ମୁମ୍ବାଇ: ହସ୍ପିଟାଲରୁ ଡିସଚାର୍ଜ ହେଲେ ଆଲିଆ ଭଟ୍ଟ । ରଣବୀର ଏବଂ ଆଲିଆ କୁନି ରାଜକୁମାରୀଙ୍କୁ ନେଇ ନିଜ ଘରକୁ ଫେରିଛନ୍ତି । ଏପଟେ କୁନି ପରୀଙ୍କ ସ୍ୱାଗତ ପାଇଁ କପୁର ପରିବାରରେ ଜୋରସୋର ପ୍ରସ୍ତୁତି ଚାଲିଛି । ଏହି ମୁହୂର୍ତ୍ତ ସମସ୍ତଙ୍କ ପାଇଁ ଅତ୍ୟନ୍ତ ସ୍ୱତନ୍ତ୍ର ରହିଛି ।
ଡାକ୍ତରଖାନାରୁ ରଣଣବୀର ଏବଂ ଆଲିଆ ବାହାରୁଥିବା ସମୟର ଫଟୋ ବର୍ତ୍ତମାନ ସାମ୍ନାକୁ ଆସିଛି, ଯାହା ସୋସିଆଲ ମିଡିଆରେ ଖୁବ୍ ଭାଇରାଲ ହେବାରେ ଲାଗିଛି । ରଣବୀର ଏବଂ ଆଲିଆ କୁନି ପରୀ ସହିତ କଳା ରଙ୍ଗର ରେଞ୍ଜ ରୋଭର କାରରେ ଡାକ୍ତରଖାନାରୁ ବାହାରୁଥିବାର ଦେଖାଯାଇଛି । ପ୍ରଶଂସକମାନେ ମଧ୍ୟ ଆଲିଆ ଏବଂ ତାଙ୍କ କୁନି ପରୀଙ୍କ ପ୍ରଥମ ଝଲକ ପାଇବା ପାଇଁ ଡାକ୍ତରଖାନା ବାହାରେ ଏକତ୍ରିତ ହୋଇଥିଲେ । କପୁର ପରିବାରର କୁନି ରାଜକୁମାରୀ କାହା ପରି ଦେଖାଯାଉଛନ୍ତି, ଏହା ଜାଣିବାକୁ ସମସ୍ତେ ଆଗ୍ରହୀ ।
- " class="align-text-top noRightClick twitterSection" data="
">
ତେବେ ପ୍ରଶଂସକମାନେ ବେବି କପୁରଙ୍କ ଝଲକ ଏପର୍ଯ୍ୟନ୍ତ ଦେଖି ନାହାଁନ୍ତି । କିନ୍ତୁ ଆଲିଆ ଭଟ୍ଟଙ୍କ ଡେଲିଭରି ପରେ ପ୍ରଶଂସକମାନେ ତାଙ୍କର ପ୍ରଥମ ଝଲକ ଦେଖିବାକୁ ପାଇଛନ୍ତି । କାର୍ ଦର୍ପଣରୁ ଆଲିଆଙ୍କ ଫଟୋ ସୋସିଆଲ ମିଡିଆରେ ଭାଇରାଲ ହେଉଛି । ବିନା ମେକଅପ୍ ଲୁକ୍ରେ ଆଲିଆ ଏକ କଳା ପୋଷାକରେ ନଜର ଆସିଛନ୍ତି । ମାଆ ହେବାର ଖୁସି ଏବଂ ଶାନ୍ତି ଆଲିଆଙ୍କ ମୁହଁରେ ସ୍ପଷ୍ଟ ଦେଖାଯାଉଛି ।
ଏହା ବି ପଢନ୍ତୁ: ମାଆ ହେଲେ ଆଲିଆ, କପୁର ପରିବାରକୁ ଆସିଲା କୁନି ପରି
ସୂଚନାଯୋଗ୍ୟ ଯେ, ନଭେମ୍ବର 6ରେ ଆଲିଆ ଭଟ୍ଟ ଏକ କନ୍ୟା ସନ୍ତାନ ଜନ୍ମ ଦେଇଥିଲେ । ପିତାମାତା ହେବା ପରେ ଆଲିଆ ଏବଂ ରଣବୀରଙ୍କ ଖୁସି କହିଲେ ନ ସରେ । ସମଗ୍ର କପୁର ପରିବାର ଏବଂ ଭଟ୍ଟ ପରିବା ମଧ୍ୟ କୁନି ରାଜକୁମାରୀଙ୍କ ସ୍ୱାଗତ ପାଇଁ ସ୍ୱତନ୍ତ୍ର ପ୍ରସ୍ତୁତି କରିଛନ୍ତି ।
