ମୁମ୍ବାଇ: ପୁଣି ପ୍ରେମରେ ପଡିଲେ ବଲିଉଡ ଅଭିନେତ୍ରୀ ରିୟା ଚକ୍ରବର୍ତ୍ତୀ (Rhea Chakraborty)! ଅଭିନେତ୍ରୀଙ୍କ ଏକ୍ସ ବୟଫ୍ରେଣ୍ଡ ତଥା ବଲିଉଡ ଅଭିନେତା ସୁଶାନ୍ତ ସିଂ ରାଜପୁତଙ୍କ ଦେହାନ୍ତର ଅଢ଼େଇ ବର୍ଷ ପରେ ରିୟା ଚକ୍ରବର୍ତ୍ତୀଙ୍କ ଜୀବନରେ ଆଉ ଜଣେ ଏଣ୍ଟ୍ରି ମାରିଛନ୍ତି । ଏକଥା ଆମେ କହୁନାହୁଁ, ନୂଆ ରିପୋର୍ଟ ଦାବି କରୁଛି ଯେ, ରିୟା ଚକ୍ରବର୍ତ୍ତୀ ବଣ୍ଟି ସାଜଦେହଙ୍କୁ ଡେଟ୍ କରୁଛନ୍ତି । କିନ୍ତୁ, ସେ ସେମାନଙ୍କ ସମ୍ପର୍କକୁ ବ୍ୟକ୍ତିଗତ ରଖିବାକୁ ଚାହୁଁଛନ୍ତି ।
- " class="align-text-top noRightClick twitterSection" data="
">
ରିୟା ଚକ୍ରବର୍ତ୍ତୀ ଦୀର୍ଘ ସମୟ ଧରି ବଡ ପରଦାରୁ ଦୂରେଇ ରହିଛନ୍ତି । କିନ୍ତୁ, ଅଭିନେତ୍ରୀ ତାଙ୍କ ବ୍ୟକ୍ତିଗତ ଜୀବନ ବିଷୟରେ ନିରନ୍ତର ଚର୍ଚ୍ଚାରେ ଅଛନ୍ତି । ସୁଶାନ୍ତ ସିଂ ରାଜପୁତଙ୍କ (Sushant Singh Rajput) ମୃତ୍ୟୁ ପରେ ରିୟାଙ୍କୁ ପ୍ରବର୍ତ୍ତନ ନିର୍ଦ୍ଦେଶାଳୟ, ସେଣ୍ଟ୍ରାଲ୍ କେନ୍ଦ୍ରୀୟ ଯାଞ୍ଚ ବ୍ୟୁରୋ ଏବଂ ନାର୍କୋଟିକ୍ସ କଣ୍ଟ୍ରୋଲ ବ୍ୟୁରୋ ଦ୍ବାରା ଟାର୍ଗେଟ କରାଯାଇଥିଲା । ଅଭିନେତାଙ୍କ ମୃତ୍ୟୁ ପରେ କ୍ରମାଗତ ଅସୁବିଧାରେ ଥିବା ଅଭିନେତ୍ରୀ ବର୍ତ୍ତମାନ ତାଙ୍କ ବ୍ୟକ୍ତିଗତ ଜୀବନରେ ଆଗକୁ ବଢୁଛନ୍ତି ।
ଏହା ବି ପଢନ୍ତୁ: ଫିଲ୍ମର ପ୍ରମୋସନ ପାଇଁ ଅଭିନେତ୍ରୀଙ୍କ ପାଦକୁ କିସ୍ କଲେ ରାମ ଗୋପାଳ ବର୍ମା
2020 ଜୁନ୍ରେ ସୁଶାନ୍ତ ସିଂ ରାଜପୁତଙ୍କର ଦେହାନ୍ତ ହୋଇଥିଲା । ଯାହା ପରେ ରିୟା ସର୍ବସାଧାରଣ ଏବଂ ମିଡିଆ ଟ୍ରାୟଲର ସମ୍ମୁଖୀନ ହୋଇଥିଲେ । ବର୍ତ୍ତମାନ ଅଭିନେତ୍ରୀ ରିୟା ଫ୍ୟାସନ ଡିଜାଇନର ସୀମା ସାଜଦେହ (Seema Sajdeh)ଙ୍କ ଭାଇ ବଣ୍ଟି ସାଜଦେହଙ୍କୁ ଡେଟ କରୁଥିବା ଜଣାଯାଇଛି। ବଣ୍ଟି (Bunty Sajdeh) କ୍ରୀଡା ଏବଂ ମନୋରଞ୍ଜନ ଶିଳ୍ପର ବୃହତ ପ୍ରତିଭା ପରିଚାଳନା ସଂସ୍ଥାର ମାଲିକ । ଏହା ପୂର୍ବରୁ ସୋନାକ୍ଷୀ ସିହ୍ନାଙ୍କ ସହ ଡେଟିଂ ଖବରକୁ ଚର୍ଚ୍ଚାରେ ଥିଲେ ।
ଏକ ସୂତ୍ର ମିତାବିକ, 'ବଣ୍ଟି ଏବଂ ରିୟା ଏକାଠି ଅଛନ୍ତି ଏବଂ ଖୁସି ଅଛନ୍ତି । ଉଭୟଙ୍କୁ ଏକାଠି ଦେଖିବାକୁ ମିଳେ । ଗତ କିଛି ବର୍ଷ ମଧ୍ୟରେ ରିୟା ଯାହା ସାମ୍ନା କରିଛନ୍ତି, ବଣ୍ଟି ଏଭଳି ପରିସ୍ଥିତିରେ ତାଙ୍କର ସମର୍ଥନ କରିଆସୁଛନ୍ତି । ଯେତେବେଳେ ବି ରିୟା ଅସୁବିଧାରେ ଥିଲେ, ବଣ୍ଟି ସେସମୟରେ ତାଙ୍କ ସହ କ୍ରମାଗତ ଭାବରେ ଥିଲେ ।
ରିପୋର୍ଟରେ ଏହା ମଧ୍ୟ ଦାବି କରାଯାଇଛି ଯେ, ରିୟା ମଧ୍ୟ ବଣ୍ଟିଙ୍କ ଗ୍ରାହକ ଥିଲେ । ଏହି କାରଣରୁ ଯେତେବେଳେ ସୁଶାନ୍ତ ସିଂ ରାଜପୁତଙ୍କ ମୃତ୍ୟୁ ପରେ ରିୟାଙ୍କୁ ପଚରାଉଚରା କରାଯାଉଥିଲା, ସେତେବେଳେ ବଣ୍ଟିଙ୍କୁ ମଧ୍ୟ ଡକାଯାଇଥିଲା । ବଣ୍ଟି ସାଜଦେହ ସୋହେଲ ଖାନଙ୍କ ପୂର୍ବତନ ପତ୍ନୀ ସୀମା ସାଜଦେହଙ୍କ ଭାଇ ଏବଂ ବଣ୍ଟି ସାଜଦେହ କର୍ଣ୍ଣଷ୍ଟୋନ ସ୍ପୋର୍ଟର ଏମଡି ତଥା ସିଇଓ ଅଟନ୍ତି । ଏହା ବ୍ୟତୀତ ବଣ୍ଟି ଧର୍ମା କର୍ଣ୍ଣଷ୍ଟୋନ୍ ଏଜେନ୍ସିର ଏକ ଅଂଶ ଅଟନ୍ତି ।
