ସମ୍ବଲପୁର: ଖୋଲିଲା ହୀରାକୁଦ ଜଳଭଣ୍ଡାରର ଆଉ 8ଟି ଗେଟ୍ । ମୋଟ 28ଟି ସ୍ଲୁଇସ ଗେଟ୍ ହେଉଛି ଜଳ ନିଷ୍କାସନ । ଦୀର୍ଘଦିନ ହେବ ହୀରାକୁଦ ଡ୍ୟାମର ସମସ୍ତ ଗେଟ ବନ୍ଦ ରହିଥିଲା । ମଙ୍ଗଳବାର ୬ଟି ଗେଟ ଖୋଲିଥିବାବେଳେ ବୁଧବାର ମୋଟ 28ଟି ଗେଟ ଖୋଲିଛି ବୋଲି ହୀରାକୁଦ ଡ୍ୟାମ କର୍ତ୍ତୃପକ୍ଷ ସୂଚନା ଦେଇଛନ୍ତି ।
ହୀରାକୁଦ ଜଳଭଣ୍ତାରର ସର୍ବୋଚ୍ଚ ଜଳ ଧାରଣା କ୍ଷମତା ୬୩୦ ଫୁଟ ହୋଇଥିବାବେଳେ ବର୍ତ୍ତମାନ ଏହାର ଜଳସ୍ତର ରହିଛି 628.23 ଫୁଟ । ଏହି ସମୟ ମଧ୍ୟରେ ଜଳ ଭଣ୍ତାରକୁ ଉପର ମୁଣ୍ତରୁ ସେକେଣ୍ତ ପ୍ରତି 2 ଲକ୍ଷ 58 ହଜାର 590 କ୍ୟୁସେକ ଜଳ ପ୍ରବେଶ କରୁଛି । ବର୍ତ୍ତମାନ ଜଳ ଭଣ୍ତାରରୁ ସେକେଣ୍ତ ପ୍ରତି 2 ଲକ୍ଷ 25 ହଜାର 557 କ୍ୟୁସେକ ଜଳ ସ୍ଥଳ ମୁଣ୍ତକୁ ନିଷ୍କାସନ ହେଉଥିବା ସୂଚନା ମିଳିଛି ।
ସମ୍ବଲପୁରରୁ ବାଦଶାହ ଜୁସ୍ମନ ରଣା, ଇଟିଭି ଭାରତ
