ସମ୍ବଲପୁର: ବେଆଇନ ଢ଼ାବା ଭାଙ୍ଗିଲା ପୋଲିସ । ଢାବାରେ ଚାଲୁଥିଲା ଅପରାଧିକ କାର୍ଯ୍ୟକଳାପ । ସମ୍ବଲପୁର ବୁର୍ଲା ଥାନା ଅନ୍ତର୍ଗତ ଗୋଶାଳା ଅଞ୍ଚଳରେ ଏକ ବେଆଇନ ଢ଼ାବାକୁ ପୋଲିସ ସମ୍ପୂର୍ଣ୍ଣ ରୂପେ ଭାଙ୍ଗି ଦେଇଛି।
ସମ୍ବଲପୁର ଜିଲ୍ଳାରେ ଅପରାଧ ଓ ଅପରାଧୀ ମାନଙ୍କୁ ଉତ୍ସାହିତ କରୁଛନ୍ତି ଜାତୀୟ ରାଜପଥ କଡରେ ଥିବା କିଛି ବେଆଇନ ଢ଼ାବା ମାଲିକ । ଏହି ଢ଼ାବା ଗୁଡିକରେ ବାହାର ରାଜ୍ୟର ଅପରାଧି ମାନେ ଆସି ରହିଥାନ୍ତି ଏବଂ ରାତି ହେଲେ ଆରମ୍ଭ ହୋଇଥାଏ ଅପରାଧିକ କାର୍ଯ୍ୟକଳାପ। ଲୁଟ, ହତ୍ୟା, ରାହାଜାନି ଭଳି ସଙ୍ଗୀନ ଘଟଣା ଘଟାଇ ଅପରାଧି ମାନେ ପୁଣି ଏହି ଢ଼ାବା ମାନଙ୍କୁ ଆସି ଆଶ୍ରୟ ନେଇଥାନ୍ତି ବୋଲି ଅଭିଯୋଗ ହୋଇ ଆସୁଥିଲା । ପୋଲିସ ପୂର୍ବରୁ ମଧ୍ୟ ସମ୍ବଲପୁର ଯୁଜୁମୁରା ଅଞ୍ଚଳର ଏକ ଢ଼ାବାରେ ଏଭଳି ଘଟଣା ନଜରକୁ ଆସିଥିବା ବେଳେ ତାକୁ ସଂପୂର୍ଣ୍ଣ ଭାଙ୍ଗିବା ସହ ମାଲିକଙ୍କୁ ଗିରଫ କରିଥିଲା। ଆଜି ବୁର୍ଲା ଗୋଶାଳା ଅଞ୍ଚଳରେ ମଧ୍ୟ ଏଭଳି ଏକ ବେଆଇନ ଢ଼ାବାକୁ ପୋଲିସ ଭାଙ୍ଗିଛି। ଢ଼ାବାରେ ବହୁ ବେଆଇନ କାର୍ଯ୍ୟ ହେଉଥିବା ପୋଲିସ ଜାଣିବାକୁ ପାଇଥିଲା। ଏହା ସହ ଢ଼ାବାଟି ସରକାରୀ ସ୍ଥାନରେ ରହିଥିଲା। ଏହି ଢ଼ାବାରେ ବେଆଇନ ଭାବେ ବନ୍ଧୁକ ଚାଲାଣ, ମାରଣାସ୍ତ୍ର କାରବାର, ହନୁମାନ ପଇସା କାରବାର ଚାଲୁଥିଲା। ଏପରିକି ଢ଼ାବା ମାଲିକ ଓ ତାହାର ଗେଙ୍ଗ ଅନ୍ୟ ସ୍ଥାନରୁ ବୁର୍ଲା ଭୀମସାରକୁ ଚିକିତ୍ସା ପାଇଁ ଆସୁଥିବା ରୋଗୀ ଓ ତାଙ୍କ ପରିଜନଙ୍କୁ ଆକ୍ରମଣ କରି ଲୁଟ କରୁଥିବା ପୋଲିସ ପ୍ରକାଶ କରିଛି।
