ରାଉରକେଲା: ଆଧୁନିକ ମେଟାଲିକ୍ସ ପକ୍ଷରୁ ବକେୟା ଦରମା ପାଇବାର ପ୍ରତିଶୃତି ପରେ କୁଆଁରମୁଣ୍ଡାରେ ହଟିଲା ରାସ୍ତାରୋକ । 3 ଦିନ ଭିତରେ ଏହା ଉପରେ ବିଚାର କରିବା ପାଇଁ କମ୍ପାନୀ କର୍ତ୍ତୃପକ୍ଷ ଜଣାଇବା ପରେ ସ୍ବାଭାବିକ ହେଲା ସ୍ଥିତି ।
ଭିଡିଓ ସୌଜନ୍ୟ: ସମ୍ବାଦଦାତା, ରାଉରକେଲା
ସୂଚନା ଅନୁଯାୟୀ, କୁଆଁରମୁଣ୍ଡାସ୍ଥିତ ଆଧୁନିକ ମେଟାଲିକ୍ସର କର୍ମଚାରୀମାନେ ରାସ୍ତାରୋକ କରିଥିଲେ । 11 ମାସର ବକେୟା ପାଉଣା ଦେବା ତଥା କମ୍ପାନୀରେ ପୁଣିଥରେ ଉତ୍ପାଦନ ଆରମ୍ଭ କରିବାକୁ ନେଇ ଏନଏଚ-143ର କୁଆଁରମୁଣ୍ଡାରେ ରାସ୍ତାରୋକ କରିଥିଲେ କର୍ମଚାରୀ ।
ସେପଟେ ରାସ୍ତାରୋକ କାରଣରୁ ରାସ୍ତାର ଉଭୟ ପାର୍ଶ୍ବରେ ଅନେକ ଯାନବାହାନ ଠିଆ ହୋଇଥିବା ଦେଖିବାକୁ ମିଳିଥିଲା । ଅନେକ ଯାତ୍ରୀବାହୀ ବସ ଠିଆ ହୋଇଥିବାରୁ ଯାତ୍ରୀମାନେ ଅସୁବିଧାର ସମ୍ମୁଖୀନ ହେଉଥିଲେ ।
ରାଉରକେଲାରୁ ରାଜେନ୍ଦ୍ରନାଥ ମିଶ୍ର, ଇଟିଭି ଭାରତ
