ରାଉରକେଲା: ଇସ୍ପାନ ନଗରୀରେ ଦେଖିବାକୁ ମିଳିଛି ଆନ୍ଦୋଳନ । ରାଉରକେଲା ଇସ୍ପାତ କାରଖାନାର ବିସ୍ଥାପିତମାନେ ଆଜି (ବୁଧବାର) ଉଦିତନଗର ପଡିଆରେ ଏକତ୍ରିତ ହୋଇ ଆନ୍ଦୋଳନ କରିଛନ୍ତି । କାରଣ ଦେଇଥିବା ପ୍ରତିଶୃତି ଅନୁଯାୟୀ ସେମାନଙ୍କୁ ଚାକିରି ମିଳିନାହିଁ । ଆଉ ଏହାର ଦାବିରେ ଆନ୍ଦୋଳନକୁ ଓହ୍ଲାଇଛନ୍ତି ବିସ୍ଥାପିତମାନେ ।
ବିସ୍ଥାପିତମାନେ ଏକତ୍ରିତ ହୋଇ ନିଯୁକ୍ତି ପ୍ରଦାନ କରିବାକୁ ଦାବି କରିଛନ୍ତି । ସେପଟେ ରାଉରକେଲାର ଏଡିଏମ ଆଜି ଅନ୍ୟତ୍ର ଗସ୍ତରେ ରହିଥିବା ଯୋଗୁଁ ବିସ୍ଥାପିତମାନେ ତାଙ୍କ ଆନ୍ଦୋଳନ ସ୍ଥଗିତ ରଖି ଆଗାମୀ 7 ଅଗଷ୍ଟରେ ଆନ୍ଦୋଳନ ପାଇଁ ନିଷ୍ପତ୍ତି ନେଇଛନ୍ତି ।
ବିସ୍ଥାପିତ ନେତା ଖଡା କୁଜୁର ଆଜି ସ୍ପଷ୍ଟ କହିଥିଲେ ଯେ କୋ ଆର୍ପିଡିଏସସି ବୈଠକର ବିଷୟବସ୍ତୁ ଉପରେ ଆଲୋଚନା କରିବା ପାଇଁ ଆଜି ଏଡିଏମ ଡାକିଥିଲେ। କିନ୍ତୁ ତାଙ୍କ ଅନୁପସ୍ଥିତି ଯୋଗୁଁ ବୈଠକ ହୋଇ ପାରିଲା ନାହିଁ। ଆଗାମୀ ଅଗଷ୍ଟ 7ରେ ବିସ୍ଥାପିତମାନେ ତାଙ୍କ ଖାଇବା ସାମଗ୍ରୀ ଧରି ଆସିବେ । ଆଉ ଯେତେ ଦିନ ଯାଏଁ ତାଙ୍କ ଦାବି ପୁରା ନ ହୋଇଛି ସେତେ ଦିନ ପର୍ଯ୍ୟନ୍ତ ଆନ୍ଦୋଳନ ଜାରି ରଖିବେ ।
ରାଉରକେଲାରୁ ରାଜେନ୍ଦ୍ରନାଥ ମିଶ୍ର, ଇଟିଭି ଭାରତ
