ରାଉରକେଲା: ଆଜି 104ତମ ବିଜୁ ପଟ୍ଟନାୟକ ଜୟନ୍ତୀ । ଏହି ଅବସରରେ ରାଉରକେଲାରେ ବିଭିନ୍ନ କାର୍ଯ୍ୟକ୍ରମର ଆୟୋଜନ କରାଯାଇଛି ।
ତେବେ କଳିଙ୍ଗ ବିହାରସ୍ଥିତ ବିଜୁ ବାବୁଙ୍କ ପ୍ରତିମାରେ ବିଧାୟକ ସାରଦା ପ୍ରସାଦ ନାୟକ ମାଲ୍ୟାର୍ପଣ କରିଛନ୍ତି । ଏଥିସହ ରାଉରକେଲା ପ୍ରତି ବିଜୁ ବାବୁଙ୍କ ଅବଦାନ ମନେ ପକାଇବା ସହ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଅବଦାନକୁ ସେ ଏହି କାର୍ଯ୍ୟକ୍ରମରେ ମନେ ପକାଇଛନ୍ତି ।
ରାଉରକେଲାରେ ବିଭିନ୍ନ ସ୍ଥାନରେ ବିଜୁ ପଟ୍ଟନାୟକ ଜୟନ୍ତୀ ପାଳିତ
ସେହିପରି ସେକ୍ଟର-2 ବିଜୁ ପଟ୍ଟନାୟକ ଛକରେ ମଧ୍ୟ ବିଜୁ ବାବୁଙ୍କ ପ୍ରତିମାରେ ବିଜେଡି ପକ୍ଷରୁ ପୁଷ୍ପମାଲ୍ୟ ଅର୍ପଣ କରଯାଇଛି । ରାଉରକେଲା ଇସ୍ପାତ କାରଖାନାର ସିଇଓ ଦୀପକ ଚଟରାଜ ମଧ୍ୟ ବିଜୁ ବାବୁଙ୍କ ପ୍ରତିମାରେ ପୁଷ୍ପ ମାଲ୍ୟ ଅର୍ପଣ କରିଛନ୍ତି ।
ଏହାଛଡା ଏହି ଅବସରରେ ଟେଲିଫୋନ ଭବନ ପଡିଆରେ ଏକ ମିନି ମାରାଥନର ଆୟୋଜନ କରାଯାଇଥିଲା। ଯେଉଁଥିରେ ବହୁ ସଂଖ୍ୟାରେ ଲୋକ ଭାଗ ନେଇଥିଲେ।
ରାଉରକେଲାରୁ ରାଜେନ୍ଦ୍ର ନାଥ ମିଶ୍ର, ଇଟିଭି ଭାରତ
