ପୁରୀ: ବାୟୁସେନା ଦିବସରେ ନିଆରା କଳାକୃତି କରି ଶୁଭେଚ୍ଛା ଜଣାଇଛନ୍ତି ପୁରୀର ଯୁବ କଳାକାର ଶ୍ୱାସତ ରଞ୍ଜନ ସାହୁ । ବାୟୁସେନା ପାଇଁ ଦିଆସିଲି କାଠିରେ ତିଆରି କରିଛନ୍ତି ରୟାଲ ଇଣ୍ଡିଆନ ଏୟାର ଫୋର୍ସର ଏକ ନମ୍ବର ସ୍କ୍ବାର୍ଡନରେ ଥିବା ପ୍ରଥମ ଯୁଦ୍ଧ ବିମାନର ପ୍ରତିକୃତି । ଅକ୍ଟୋବର ୮ ତାରିଖରେ ଭାରତରେ ଜାତୀୟ ବାୟୁସେନା ଦିବସ ପାଳିତ ହୁଏ । ଏହି ଦିନରେ ଦେଶର ସୁରକ୍ଷା ପାଇଁ ଯେଉଁ ଦକ୍ଷ ପାଇଲଟମାନେ ନିଜ ଜୀବନକୁ ଉତ୍ସର୍ଗ କରିଥିବା ବୀର ଯବାନଙ୍କ ପାଇଁ ଏହି ଦିବସ ପାଳିତ ହୁଏ ।
ଏହି ଅଵସରରେ ପୁରୀ ଯୁବ କଳାକାର ଶ୍ୱାସତ ରଞ୍ଜନ ସାହୁ ଏକ ନିଆରା ଢଙ୍ଗରେ ଏହା ଦିବସର ଶୁଭେଚ୍ଛା ବାୟୁସେନା ଯବାନଙ୍କୁ ଶୁଭେଚ୍ଛା ଜଣାଇଛନ୍ତି । ସେ 1360ଟି ଦିଆସିଲି କାଠିରେ ଭାରତର ପ୍ରଥମ ତଥା ସ୍ୱାଧୀନତା ପୂର୍ବରୁ ପ୍ରତିଷ୍ଠା ହୋଇ ଥିବା ରୟାଲ ଇଣ୍ଡିଆନ ଏୟାର ଫୋର୍ସର ଏକ ନମ୍ବର ସ୍କ୍ବାର୍ଡନ ରେ ଥିବା ପ୍ରଥମ ଯୁଦ୍ଧ ବିମାନର ପ୍ରତିକୃତି ତିଆରି କରିଛନ୍ତି । ଏହା ବେଶ ଆକର୍ଷଣୀୟ ହୋଇଛି । ଦିଆସିଲି କାଠିରେ ନିର୍ମିତ ଏହି କଳାକୃତିର ଲମ୍ଵ 33 ଇଞ୍ଚ ଓ ଓସାର 40 ଇଞ୍ଚ୍ ରହିଛି ।
