ପୁରୀ: ଆଜି ବିଶ୍ବକପ ମୁକାବିଲାରେ ହାଇଭୋଲଟେଜ ମ୍ୟାଚ୍ । ମଞ୍ଚେଷ୍ଟରରେ ମୁହାଁମୁହିଁ । ମୈଦାନରେ ଦୁଇ ପାରମ୍ପରିକ ପ୍ରତିଦ୍ବନ୍ଦ୍ବୀ ଭାରତ ଓ ପାକିସ୍ତାନର ମହାଲଢେଇ । ଏନେଇ କ୍ରିକେଟ ପ୍ରେମୀଙ୍କ ମଧ୍ୟରେ ପ୍ରବଳ ଉତ୍ସାହ ଦେଖିବାକୁ ମିଳିଛି । ତେବେ ଭାରତର ବିଜୟ କାମନା କରି ବିଭିନ୍ନ ମନ୍ଦିରରେ ଚାଲିଛି ପୂଜା ଅର୍ଚ୍ଚନା ।
ଭିଡିଓ ସୌଜନ୍ୟ: ସମ୍ବାଦଦାତା ପୁରୀ
ସେହିପରି ଏହି ମ୍ୟାଚରେ ଭାରତ ବିଜୟ ହାସଲ କରିବା ନେଇ ଶୁଭେଚ୍ଛା ଦେଇଛନ୍ତି ବାଲୁକା ଶିଳ୍ପୀ ସୁଦର୍ଶନ ପଟ୍ଟନାୟକ । ପୁରୀ ବେଳାଭୂମିରେ ଏକ ସୁନ୍ଦର ବାଲୁକା କଳା କରିଛନ୍ତି । ବାଲିରେ ଅବିକଳ ପିଚ ସହିତ ଉଇକେଟ , ଭାରତ ପାକିସ୍ତାନ ଦଳର ପତାକାକୁ ସ୍ଥାନ ଦେଇଛନ୍ତି । ସେହିପରି ବାଲୁକା କଳାରେ good luck ଲେଖି ଟିମ ଇଣ୍ଡିଆ ପାଇଁ ସେ ଶୁଭେଚ୍ଛା ଭେଟି ଦେଇଛନ୍ତି।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
