ପୁରୀ: ଆସିଲା ୩୩ ଜିଲ୍ଲା ପରିଷଦ ଆସନର ନିର୍ବାଚନ ଫଳାଫଳ । ଚଳିତଥର ବିଜେଡି ଗଡରେ ବିଜେପି ବାଜିମାତ କରିଛି। ସତ୍ୟବାଦୀ ବିଧାନସଭା ନିର୍ବାଚନ ମଣ୍ଡଳିରୁ ବିଜେପି ତିନୋଟି ଜିଲ୍ଲା ପରିଷଦ ଆସନରେ ବିଜୟୀ ହୋଇଛି । ୩୩ ଜିଲ୍ଲାପରିଷଦ ଆସନରୁ ୩୦ଟି ବିଜେଡି ହାତେଇଥିବା ବେଳେ ୩ଟି ହାତେଇଛି ବିଜେପି । ଗତ୨୦୧୭ ପଞ୍ଚାୟତ ନିର୍ବାଚନରେ ବିଜେଡି ୩୧ ଆସନ ପାଇଥିବା ବେଳେ ବିଜେପି ଗୋଟିଏ ଏବଂ ସ୍ବାଧୀନ ପ୍ରାର୍ଥୀ ଗୋଟିଏ ଆସନରେ ବିଜୟୀ ହୋଇଥିଲା । ତେବେ ଚଳିତ ନିର୍ବାଚନରେ ବିଜେଡି ଠାରୁ ଆଉ ୧ଟି ଆସନ ଛଡାଇ ଆଣିଛି ବିଜେପି ।
ସତ୍ୟବାଦୀ ବ୍ଲକର ୩୨ ଓ ୩୩ ନଂ ଜିଲ୍ଲା ପରିଷଦ ଜୋନ ଏବଂ କଣାସର ୫ନମ୍ବର ଜୋନରେ ବିଜେଡିକୁ ହରାଇ ବିଜେପି ଉଡାଇଛି ବିଜୟ ବାନା। ସତ୍ୟବାଦୀର ୩୨ନମ୍ବର ଜୋନରୁ ବିଜେପି ପ୍ରାର୍ଥୀନୀ ବିଷ୍ଣୁପ୍ରୀୟା ବରାଳ ଓ ୩୩ନମ୍ବର ଜୋନରୁ ବିଜେପି ପ୍ରାର୍ଥୀ ରତିକାନ୍ତ ମିଶ୍ର ବିଜୟ ଲାଭ କରିଥିବା ବେଳେ କଣାସର ୫ନମ୍ବର ଜୋନରୁ ବିଜେପି ପ୍ରାର୍ଥୀନୀ ଲତାମଣି ଜଗଦେବ ବିଜୟ ଲାଭ କରିଛନ୍ତି । ତେବେ ୫ନମ୍ବର ଜୋନରେ ସମସ୍ତ ପୁରୁଷ ପ୍ରାର୍ଥୀଙ୍କୁ ହରାଇ ଅଣସଂରକ୍ଷିତ ଆସନରେ ବାଜିମାତ କରିଛନ୍ତି ଲତାମଣି ।
ପୁରୀରୁ ଶକ୍ତି ପ୍ରାସଦ ମିଶ୍ର, ଇଟିଭି ଭାରତ
