ପୁରୀ: ଆସନ୍ତା 2021 ସୁଦ୍ଧା ପୁରୀ ମେଡ଼ିକାଲ କଲେଜ ନିର୍ମାଣ କାର୍ଯ୍ୟ ସମ୍ପୂର୍ଣ୍ଣ ହେବ। ଖୁବଶିଘ୍ର ପୁରୀବାସୀ ଉତ୍ତମ ଚିକିତ୍ସା ସେବା ପାଇପାରିବେ। ପୁରୀର ଏକ ସ୍ବତନ୍ତ୍ର ସମୀକ୍ଷା ବୈଠକରେ ଏପରି ପ୍ରତିଶ୍ରୃତି ଦେଇଛନ୍ତି ସ୍ବାସ୍ଥ୍ୟମନ୍ତ୍ରୀ ନବ ଦାସ।
ମେଡ଼ିକାଲ କଲେଜ ନିର୍ମାଣରେ ସ୍ଥାନକୁ ନେଇ ସମସ୍ୟା ରହିଥିଲା। ତେବେ ପ୍ରଶାସନ ଏହି ସମସ୍ୟା ସମାଧାନ କରିସାରିଛି। ଯାହାଫଳରେ ମେଡ଼ିକାଲ କଲେଜ ନିର୍ମାଣ କାର୍ଯ୍ୟ ଶୀଘ୍ର ସରିବ ବୋଲି ସ୍ବାସ୍ଥ୍ୟମନ୍ତ୍ରୀ ପ୍ରକାଶ କରିଛନ୍ତି।
ସେହିପରି ପୁରୀ ମୁଖ୍ୟ ମେଡ଼ିକାଲରେ ବିଭିନ୍ନ ସୁବିଧା ସମେତ ଅନେକ ଭିତ୍ତିଭୂମି କାର୍ଯ୍ୟ ଆଗାମୀ ଦିନରେ ସୁଦୃଢ କରାଯିବ ବୋଲି ମନ୍ତ୍ରୀ କହିଛନ୍ତି। ଧୀରେ ଧୀରେ ଅସଜଡା ଭିତ୍ତିଭୂମିକୁ ସଜଡ଼ା ଯାଉଛି। ତେଣୁ ‘5T' କାର୍ଯ୍ୟକ୍ରମର ସୁଫଳ ଏକ ବର୍ଷ ପରେ ଜନସାଧାରଣ ନିଶ୍ଚିତ ପାଇବେ ବୋଲି ସ୍ବାସ୍ଥ୍ୟମନ୍ତ୍ରୀ ଦୃଢୋକ୍ତି ପ୍ରକାଶ କରିଛନ୍ତି।
ସେହିପରି ବୁର୍ଲାରେ ଏଚଆଇଭି ସୁରକ୍ଷା ସମ୍ପର୍କିତ ଗାଇଡ଼ ଲାଇନ ନିୟମ ଉଲଘଂନ କରି ଅପରେସନ କରିଥିବା ଦୋଷୀ ବ୍ୟକ୍ତିଙ୍କ ବିରୋଧରେ ତଦନ୍ତ ପରେ କଡା କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ସ୍ୱାସ୍ଥ୍ୟମନ୍ତ୍ରୀ କହିଛନ୍ତି।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
