ପୁରୀ: ଆଜି(ରବିବାର) ଶ୍ରୀମନ୍ଦିର ଆସି ମହାପ୍ରଭୁଙ୍କ ଦର୍ଶନ କରିଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ଦର୍ଶନ କରିବା ସହ ବାତ୍ୟାରେ ଶ୍ରୀମନ୍ଦିରରେ ହୋଇଥିବା କ୍ଷୟକ୍ଷତି ସମ୍ପର୍କରେ ଅନୁଧ୍ୟାନ କରିଛନ୍ତି । ତେବେ ପ୍ରଭୁ ଜଗନ୍ନାଥଙ୍କ ଆଶୀର୍ବାଦରୁ ଏପରି ମହାବିପତ୍ତିରୁ ଲୋକେ ବର୍ତ୍ତି ଯାଇଥିବା ସେ କହିଛନ୍ତି ।
ଭିଡିଓ ସୌଜନ୍ୟ: ସମ୍ବାଦଦାତା, ପୁରୀ
ଏଥିସହ ରଥଯାତ୍ରା ପୂର୍ବରୁ ଶ୍ରୀମନ୍ଦିରର ସବୁ ମରାମତି କାର୍ଯ୍ୟ ସରିବ ବୋଲି ଗସ୍ତ ସମୟରେ ସେ କହିଛନ୍ତି । ସେହିପରି କ୍ଷୟକ୍ଷତି ସମ୍ପର୍କରେ ଏଏସଆଇ ଅବଗତ ଅଛି ଓ ଯୁଦ୍ଧକାଳୀନ ଭିତ୍ତିରେ ଏଏସଆଇ ମରାମତି କାମ ଶେଷ କରିବ ବୋଲି ଧର୍ମେନ୍ଦ୍ର ସୂଚନା ଦେଇଛନ୍ତି ।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
