ପୁରୀ: ପିପିଲିରେ ଗ୍ୟାସ ଚୁଲା ବଣ୍ଟନ ଅଭିଯୋଗ । ଗ୍ୟାସ ସିଲିଣ୍ଡର ଗାଡି ଜବତ କଲା ପିପିଲି ପୋଲିସ। ପିପିଲି ଉପନିର୍ବାଚନ ପାଇଁ ସରଗରମ ହୋଇଥିବାବେଳେ ଗ୍ୟାସ ସିଲିଣ୍ଡର ଜବତ ପୋଲିସ ପାଇଁ ଚ୍ୟାଲେଞ୍ଜ ସୃଷ୍ଟି କରିଛି ।
ଆଜି ପିପିଲି ବ୍ଲକ ପୋପରଙ୍ଗା ପଞ୍ଚାୟତରେ ଉଜ୍ବଳା ଯୋଜନାରେ ନୂତନ ଗ୍ୟାସ ଓ ଚୁଲା ବଣ୍ଟା ଯାଉଥିବାବେଳେ ସେସବୁକୁ ଜବତ କରିବା ସହ ୨ଜଣକୁ ଅଟକ ରଖିଛି ପିପିଲି ପୋଲିସ। ବର୍ତ୍ତମାନ ପିପିଲିରେ ଆଚରଣବିଧି ଲାଗୁ ହୋଇଥିବାବେଳେ ନୂତନ ଗ୍ୟାସର କୌଣସି ସଠିକ କାଗଜ ପତ୍ର ଦେଖାଇ ପାରିନଥିଲେ । ଯାହା ଫଳରେ ପୋଲିସ ଜବତ କରିଥିଲା । ତିନି ଚକିଆ ଅଟୋରେ ମୋଟ ୧୪ଟି ନୂତନ ସିଲିଣ୍ଡର ସହ ଗ୍ୟାସ ଚୁଲା ମଧ୍ୟ ରହିଛି। ଅଧିକ ତଦନ୍ତ ପରେ ଜଣାପଡିବ ବୋଲି ପିପିଲି ଥାନା ଅଧିକାରୀ କହିଛନ୍ତି ।
ସୂଚନାଥାଉକି ପିପିଲି ଉପନିର୍ବାଚନ ପାଇଁ ପ୍ରଚାର ଆରମ୍ଭ ହୋଇଯାଇଛି । ଫଳରେ ଭୋଟରଙ୍କୁ ଆକର୍ଷିତ କରିବା ପାଇଁ ପ୍ରାର୍ଥୀମାନେ ବିଭିନ୍ନ ଉପାୟ ଅବଲମ୍ବନ କରୁଥିବା ଜଣାପଡିଛି। ଆସନ୍ତା ୩୦ ତାରିଖରେ ପିପିଲି ନିର୍ବାଚନ ମଣ୍ଡଳୀରେ ମତଦାନ ହେବ ।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
