ପୁରୀ: ବରିଷ୍ଠ କଂଗ୍ରେସ ନେତା ଅଜିତ ମଙ୍ଗରାଜ ପୁରୀ ଜିଲ୍ଲା କଂଗ୍ରେସର ନୂତନ ସଭାପତି ଭାବେ ଦାୟିତ୍ବ ଗ୍ରହଣ କରିଛନ୍ତି । ଗାନ୍ଧି ଘାଟରେ ଏକ ସ୍ବତନ୍ତ୍ର ସଭାରେ ତାଙ୍କୁ ପୁରୀ ଜିଲ୍ଲାର କଂଗ୍ରେସ କର୍ମକର୍ତ୍ତା ଶୁଭେଚ୍ଛା ପ୍ରଦାନ କରିଛନ୍ତି । ତେବେ ଆଗାମୀ ଦିନରେ ଲୋକଙ୍କ ସୁବିଧା ଅସୁବିଧା ତଥା ଲୋକଙ୍କୁ ନ୍ୟାୟ ପ୍ରଦାନ ପାଇଁ ପୁରୀ ଜିଲ୍ଲା କଂଗ୍ରେସ ବ୍ୟାପକ ସଂଗ୍ରାମ କରିବ ବୋଲି ସେ କହିଛନ୍ତି । କଂଗ୍ରେସ କର୍ମକର୍ତ୍ତା ଏକଜୁଟ ହୋଇ ପୁରୀ କଂଗ୍ରେସକୁ ମଜଭୁତ କରିବା ପାଇଁ ସେ ସମସ୍ତ କର୍ମୀଙ୍କୁ ଆହ୍ବାନ ଦେଇଛନ୍ତି ।
ସେହିପରି ବର୍ତ୍ତମାନ ପରିପ୍ରେକ୍ଷୀରେ ବିଭିନ୍ନ ୱାର୍ଡ ,ପଞ୍ଚାୟତରେ କଂଗ୍ରେସ ପକ୍ଷରୁ ନୂତନ କମିଟି ଗଠନ କରାଯିବ । ପରେ ତୃଣ ମୂଳ ସ୍ତରରୁ ସଂଗଠନକୁ ମଜଭୁତ କରିବା ତାଙ୍କର ମୁଖ୍ୟ ଲକ୍ଷ୍ୟ ହେବ ବୋଲି ପୁରୀ ଜିଲ୍ଲା କଂଗ୍ରେସର ନୂତନ ସଭାପତି କହିଛନ୍ତି ।
ସେପଟେ ପୁରୀ ସହର ଅର୍ଥନୀତି ଶ୍ରୀମନ୍ଦିର ଖୋଲିବା ଉପରେ ନିର୍ଭରଶୀଳ । ଏଣୁ ରାଜ୍ୟ ସରକାର ତୁରନ୍ତ କୋଭିଡ କଟକଣା ଓ ଗାଇଡ଼ ଲାଇନ ଅନୁଯାୟୀ ଶ୍ରୀମନ୍ଦିର ଖୋଲିବାକୁ ସେ ମତ ଦେଇଛନ୍ତି ।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
