କଟକ: ଶିଶୁଭବନକୁ ଅଚାନକ ଗସ୍ତ କରିଛନ୍ତି କେନ୍ଦ୍ରାଞ୍ଚଳ ଆରଡିସି ଅନିଲ ସାମଲ । ବିଭିନ୍ନ ବିଭାଗର ୱାର୍ଡକୁ ପରିଦର୍ଶନ କରି ଶିଶୁ ରୋଗୀଙ୍କ ଅଭିଭାବକଙ୍କ ସହ ଆଲୋଚନା କରିଥିଲେ ଆରଡିସି । ଏପରିକି ଚିକିତ୍ସା କିଭଳି ମିଳୁଛି, ଡାକ୍ତରଙ୍କ ବ୍ୟବହାର, ଠିକ୍ ସମୟରେ ଡାକ୍ତର ପହଞ୍ଚି ଚିକିତ୍ସା କରୁଛନ୍ତି କି ନାହିଁ ଏଭଳି କ୍ଷେତ୍ରରେ ତନ୍ନତନ୍ନ କରି ପଚାରି ବୁଝିଥିଲେ କେନ୍ଦ୍ରାଞ୍ଚଳ ଆରଡିସି ।
ସେହିପରି ମାଗଣାରେ ମେଡିସିନ ମିଳୁଛି କି ନାହିଁ ଆଦିର ତଥ୍ୟ ସଂଗ୍ରହ କରିଥିଲେ ଆରଡିସି । କେଵଳ ସେତିକି ନୁହେଁ ୱାର୍ଡରେ କଣ ସମସ୍ୟା ରହିଛି ବୋଲି ପଚାରି ବୁଝିଥିଲେ । ତେବେ ଶିଶୁ ଭବନକୁ ହଠାତ୍ ଆରଡିସିଙ୍କ ଗସ୍ତ ଦେଖି କିଛି ଡାକ୍ତର ଘାବରେଇ ଯାଇଥିଲେ । ଆରଡିସିଙ୍କ ଏଭଳି ଗସ୍ତ ସମୟରେ କିଛି ଡାକ୍ତର ଅନୁପସ୍ଥିତ ଥିବା ନେଇ ବି ଚର୍ଚ୍ଚା ହେଉଛି ।
କଟକରୁ ନାରାୟଣ ସାହୁ, ଇଟିଭି ଭାରତ
