କଟକ: ଶ୍ମଶାନରେ ଲାଗିଛି ନବୀନ ଓ ମୋଦିଙ୍କ ପୋଷ୍ଟର । କଟକ ଜିଲ୍ଲା ଖାନନଗରେ ଥିବା ଶ୍ମଶାନ ଦ୍ବାରର ଦୁଇପାଖରେ ନବୀନ ପଟ୍ଟନାୟକ ଓ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କର ପୋଷ୍ଟର ଲଗାଯାଇଛି । କୋଭିଡରେ ମୃତ୍ୟୁବରଣ କରୁଥିବା ସାଧାରଣ ଲୋକଙ୍କ ପାଇଁ କେବଳ ଏହି ଦୁଇ ସରକାର ଦାୟୀ ବୋଲି କହିଛି କଂଗ୍ରେସ ।
ବାଃ ବାଃ ନେବାକୁ ଯାଇ ସରକାର ସାଧାରଣ ଲୋକଙ୍କୁ ମରଣ ମୁହଁକୁ ଠେଲି ଦେଉଛନ୍ତି । ଯାହା ଏକ ହୀନ ରାଜନୀତି ବୋଲି ସ୍ପଷ୍ଟ କହିଛି କଂଗ୍ରେସ । ଏହା ସହିତ ଟିକାକୁ ନେଇ ରାଜନୀତି ନ କରାଯାଉ ବୋଲି କହିଛି କଟକ ଜିଲ୍ଲା ଛାତ୍ର କଂଗ୍ରେସ ।
ଲୋକମାନଙ୍କ ଟଙ୍କାରେ ଟିକା କିଣି ନିଜ ଟିକା କହୁଛନ୍ତି ଉଭୟ ସରକାର । ଗୋଟିଏ ପଟେ ମୃତ୍ୟୁର ସଠିକ ରିପୋର୍ଟ ଆସୁନାହିଁ ଅନ୍ୟ ପଟେ ଟିକାକୁ ନେଇ ରାଜନୀତି କରାଯାଉଛି । ଏହାକୁ ତୁରନ୍ତ ବନ୍ଦ କରାଯାଉ ବୋଲି କହିଛନ୍ତି କଂଗ୍ରେସ ଯୁବ ସଭାପତି ଦୀପକ ମହାନ୍ତି ।
କୋଭିଡ ମୃତ୍ୟୁ ପାଇଁ ସରକାର କେବେଳ ଦାୟୀ । ଯଦି ଟିକାକେନ୍ଦ୍ରରେ ପୋଷ୍ଟର ରାଜନୀତି ହେଉଛି ତେବେ ଶ୍ମଶାନରେ ଉଭୟଙ୍କ ପୋଷ୍ଟର ରହିବା ଦରକାର ବୋଲି ଦାବି କରିଛି କଂଗ୍ରେସ ।
କଟକରୁ ପ୍ରଭୁକଲ୍ୟାଣ ପାଲ,ଇଟିଭି ଭାରତ
