କଟକ: ରାତି ପାହିଲେ ମୁସଲିମ ଧର୍ମାବଲମ୍ବୀଙ୍କ ବଡ ପର୍ବ ଇଦ୍ । ରଙ୍ଗ ବେରଙ୍ଗର ଆଲୋକମାଳାରେ ସଜେଇହେଲାଣି ରାଜ୍ୟର ବିଭିନ୍ନ ମସଜିଦ୍ । ଏହି କ୍ରମରେ ଭାଇଚାରାର ସହର କଟକରେ ମଧ୍ୟ ବ୍ୟାପକ ଆୟୋଜନ ହେଉଛି ।
ଇଦ୍ରେ କଟକ ସହରକୁ ଜଗିବେ ୧୨ ପ୍ଲାଟୁନ୍ ଫୋର୍ସ
ଇଦ୍ରେ ଶାନ୍ତି ଶୃଙ୍ଖଳା ରକ୍ଷା କରିବା ପାଇଁ କମିଶନରେଟ ପୋଲିସ ପକ୍ଷରୁ ବ୍ୟାପକ ପ୍ରସ୍ତୁତି କରାଯାଇଛି । ସହରରେ ମୋଟ ୪ଟି ଏଡ୍ ପୋଷ୍ଟ ସହ ୧୨ ପ୍ଲାଟୁନ ପୋଲିସ ଫୋର୍ସ ମୁତୟନ କରାଯିବ । ଏହାସହ ଷ୍ଟାଟିକ୍ ଫୋର୍ସ ମଧ୍ୟ ମୁତୟନ କରାଯାଇଛି ।
ଏହାସହ ବିଭିନ୍ନ ଥାନା ଅଧିକାରୀଙ୍କଠୁ ବରିଷ୍ଠ ଅଧିକାରୀଙ୍କ ନଜରରେ ସହରର ସମସ୍ତ ମସଜିଦ୍ ରହିବ । ଅଘଟଣ ରୋକିବା ନେଇ ସମସ୍ତ ପଦକ୍ଷେପ ନିଆଯାଇଛି ବୋଲି କଟକ ଡିସିପି ପ୍ରତୀକ ସିଂ କହିଛନ୍ତି । ଚଳିତ ବର୍ଷ ଇଦ୍କୁ ସଂପୂର୍ଣ୍ଣ ଶାନ୍ତି ଶୃଙ୍ଖଳାର ସହିତ ପାଳନ ଶେଷ କରିବାକୁ ନିଷ୍ପତ୍ତି ନେଇଛି କଟକ କମିଶନରେଟ ପୋଲିସ ।
କଟକରୁ ପ୍ରଭୁ କଲ୍ୟାଣ ପାଲ, ଇଟିଭି ଭାରତ
