କଟକ: ଦରଘା ବଜାର ପୋଲିସ ହାତରେ ଏସି ଲୁଟେରା । ଲକଡାଉନ ସମୟରେ ଗୋଦାମରୁ ଚୋରି ହୋଇଥିବା ଏସି ଜବତ କରିଛି ଦରଘା ଥାନା ପୋଲିସ । ଏଥିସହ ମାମଲାରେ ସମ୍ପୃକ୍ତ ୩ ଜଣଙ୍କୁ ଗିରଫ କରିଛି ପୋଲିସ ।
ପୋଲିସ କବଜାରେ ଏସି ଲୁଟେରା, ନକଲି ଚାବିରେ ବୁଲାଉଥିଲେ କଳାକନା
୧୯ ଟି ଦାମିକିଆ ଏସି ଜବତ ସହ ୩ ଜଣଙ୍କୁ ଗିରଫ କରିଛି ଦରଘା ପୋଲିସ । କଟକ ବାରପଥରର ଏକ ଏସି ଗୋଦାମରୁ ଗୋଦାମର ଜଣେ କର୍ମଚାରୀ ନକଲି ଚାବି କରି ଗୋଟିଏ ପରେ ଗୋଟିଏ ଏସି ଲୁଟୁଥିଲା । ଏତଲା ପରେ ତଦନ୍ତ ଆରମ୍ଭ କରି ବିଭିନ୍ନ ସ୍ଥାନରେ ଚଢାଉ କରି ଲୁଟ ହୋଇଥିବା ଏସି ଜବତ ସହ ସମ୍ପୃକ୍ତ କର୍ମଚାରୀ ଓ ଅନ୍ୟ ଦୁଇ ଜଣଙ୍କୁ ଦରଘା ବଜାର ଥାନା ପୋଲିସ ଗିରଫ କରିଛି । ଗିରଫ ସମସ୍ତ ଅଭିଯୁଙ୍କୁ କୋର୍ଟଚାଲାଣ କରାଯାଇ ଥିବାବେଳେ ଏଥିରେ ସମ୍ପୃକ୍ତ ଅନ୍ୟ ସହଯୋଗୀଙ୍କୁ ଗିରଫ କରିବା ପାଇଁ ପୋଲିସ ତଦନ୍ତ କରୁଛି ବୋଲି ଜୋନ୍ ଏସିପି ଶେଖ୍ ସରିଫଉଦ୍ଦିନ ସୂଚନା ଦେଇଛନ୍ତି ।
କଟକରୁ ପ୍ରଭୁକଲ୍ୟାଣ ପାଲ, ଇଟିଭି ଭାରତ
