କଟକ: ବାଙ୍କୀ ଥାନା ଅନ୍ତର୍ଗତ ଦୁଲଣାପୁର ନିକଟରେ ବାଲି ବୋଝେଇ ହାଇଓ୍ବା ଗାଡି ସହ ବାଇକ ମୁହାଁମୁହିଁ ଧକ୍କା । ଘଟଣାସ୍ଥଳରେ ବାଇକ ଆରୋହୀ ମୃତ ।
ଟ୍ରକ-ବାଇକ ମୁହାଁମୁହିଁ ଧକ୍କା, ବାଇକ ଆରୋହୀ ମୃତ
ମୃତକ ଜଣକ ବାଙ୍କୀ ତାଳବସ୍ତ ପାଟେଣା ସାହିର ସୁକାନ୍ତ ଦାସ ବୋଲି ଜଣାପଡିଛି । ସେପଟେ ହାଇଓ୍ବା ଧକ୍କାରେ ଯୁବକଙ୍କ ମୃତ୍ୟୁକୁ ନେଇ ତାଳବସ୍ତ କଳିଙ୍ଗ ଛକଠାରେ ଉତ୍ୟକ୍ତ ଗ୍ରାମବାସୀ ଟାୟାର ଜାଳି ରାସ୍ତା ଅବରୋଧ କରିଥିଲେ । ମୃତକଙ୍କ ପରିବାରକୁ କ୍ଷତିପୂରଣ ଦେବାସହ ଉକ୍ତ ରାସ୍ତାଟିରେ ବାଲି ବୋଝେଇ ହାଇଓ୍ବା ଗାଡି ଯାତାୟତ ବନ୍ଦ କରିବାକୁ ସ୍ଥାନୀୟ ଲୋକ ଦାବି କରିଛନ୍ତି ।
ରାସ୍ତାରୋକ ଫଳରେ ଖୋର୍ଦ୍ଧା, ବାଙ୍କୀ, ଯାତମୁଣ୍ଡିଆ ରାସ୍ତାରେ ଯାତାୟତ ବାଧାପ୍ରାପ୍ତ ହୋଇଥିଲା ।
କଟକରୁ ନାରାୟଣ ସାହୁ, ଇଟିଭି ଭାରତ
