କଟକ: 4 ମାସ ବ୍ୟବଧାନ ପରେ ଗିରଫ ହେଲା ମାଷ୍ଟର ମାଇଣ୍ଡ ମନୋଜ ପଟ୍ଟନାୟକ । ଦୀର୍ଘ ଦିନ ଧରି ତାର ଚକ୍ରବ୍ୟୁହୁରେ କରିବାରେ ସଫଳ ହୋଇଛି ।
ମିଳିଥିବା ସୂଚନାନୂସାରେ, ମନୋଜଙ୍କ ବ୍ୟତୀତ ଅନ୍ୟ ଅଭିଯୁକ୍ତ ମାନେ ହେଲେ ଅନୀଲ କୁମାର ଭୋଇ, ପ୍ରଦୀପ ସାମନ୍ତରାୟ ଓ ଇସାନ ଦାସ । ତେବେ ମନୋଜଙ୍କ ଘର ଜଗତସିଂହପୁରରେ ହୋଇଥିବାବେଳେ ଇସାନଙ୍କ ଘର କଟକ ସିଡିଏ ବୋଲି ଜଣାପଡିଛି ।
ଅନେକ ଦିନ ଧରି ଏହି ଠକେଇ କାର୍ଯ୍ୟ କରିଆସୁଥିଲେ ଏହି ଗ୍ୟାଙ୍ଗ । ବିଶେଷକରି ନିଜର ଜଣାଶୁଣା ବ୍ୟକ୍ତିଙ୍କୁ ପୁରଣା ଟଙ୍କା ଦେଇ ନୂଆ ଟଙ୍କାର ପ୍ରଲୋଭନ ଦେଖାଇ ଠକୁ ଥିଲେ ଏମାନେ । ତେବେ ଠକାମୀର ଶିକାର ହୋଇଥିବା ଜଗତସିଂହପୁରର ସରୋଜ କାନ୍ତ ମହାନ୍ତି ଅଗଷ୍ଟ ମାସରେ ଚାଉଳିଆଗଞ୍ଜ ଥାନାରେ ଏମାନଙ୍କ ନାଁରେ ମାମଲା ରୁଜୁ କରିଥିଲେ । ଏହାପରେ ପୋଲିସ ଉକ୍ତ ଗ୍ୟାଙ୍ଗକୁ ଧରିବାକୁ ଚେଷ୍ଟା ଜାରି ରଖିଥିଲା । ଦୀର୍ଘ ଦିନର ବ୍ୟବଧାନ ପରେ ପୋଲିସ ଫାଶରେ ଏବେ ମାଷ୍ଟର ମାଇଣ୍ଡ ମନୋଜ ଓ ତାର 3 ସାଥୀ ।
ଗିରଫ ସମୟରେ ଏମାନଙ୍କ ପାଖରୁ କିଛି ଦରକାରୀ କାଗଜପତ୍ର ଓ 5ଟି ମୋବାଇଲ ଫୋନ ଜବତ କରିଛି ପୋଲିସ ।
କଟକରୁ ପ୍ରଭୁ କଲ୍ୟାଣ ପାଲ, ଇଟିଭି ଭାରତ
