ଭୁବନେଶ୍ବର: ରାଜଧାନୀରେ ଚାଞ୍ଚଲ୍ୟ । ଭଙ୍ଗା ଦୋକାନ ଘରୁ ଅଜଣା ଯୁବକଙ୍କ ମୃତଦେହ ଉଦ୍ଧାର । ବିଜୁପଟ୍ଟନାୟକ କଲେଜ ନିକଟରେ ଥିବା ଏକ ଭଙ୍ଗା ଦୋକାନ ଘରୁ ଯୁବକଙ୍କ ମୃତଦେହକୁ ଉଦ୍ଧାର କରିଛି ନୟାପଲ୍ଲୀ ଥାନା ପୋଲିସ ।
ତେବେ ମୃତଦେହ ଉଦ୍ଧାର ସମୟରେ ଯୁବକଙ୍କ ନିକଟରେ ଏକ ବାଇକ ରଖାଯାଇଥିବା ବେଳେ ଏହା ହତ୍ୟା ହୋଇଥାଇପାରେ ବୋଲି ପୋଲିସ ସନ୍ଦେହ କରୁଛି । ମୃତ ଯୁବକଙ୍କୁ ଦେଖି ଜଣେ ମହିଳା ସେ ତାଙ୍କର ସ୍ବାମୀ ବୋଲି ପୋଲିସକୁ କହିଛନ୍ତି ଏବଂ ସେ ଗତରାତିରୁ ତାଙ୍କୁ ଖୋଜୁଥିବା ମଧ୍ୟ କହିଛନ୍ତି । ଯୁବକଙ୍କ ମୃତଦେହକୁ ପୋଲିସ ବ୍ୟବଚ୍ଛେଦ ପାଇଁ ପଠାଇଛି ।
ତେବେ ଯୁବକଙ୍କ ପରିଚୟ ନେଇ ପୋଲିସ ଏପର୍ଯ୍ୟନ୍ତ କିଛି ସ୍ପଷ୍ଟ କରିନାହିଁ । ତେବେ ଯୁବକ ଜଣଙ୍କର ମୃତ୍ୟୁ କିପରି ହେଲା ତାଙ୍କୁ ଯଦି ହତ୍ୟା କରାଯାଇଛି ତେବେ କିଏ ଓ କାହିଁକି ତାଙ୍କୁ ହତ୍ୟା କରି ଏପରି ଭଙ୍ଗାଘରେ ଫୋପାଡି ଦେଇଚାଲିଗଲା ନା ତାଙ୍କର ଆକସ୍ମିକ ମୃତ୍ୟୁ ହୋଇଛି । ସେନେଇ ପୋଲିସର ତଦନ୍ତ ପରେ ସତ ସାମ୍ନାକୁ ଆସିବ ।
ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ
