ପୁରୀ: ପୁଲୱାମା ଆତଙ୍କବାଦୀ ଆକ୍ରମଣକୁ ବର୍ଷେ ପୂରିଛି । ଠିକ୍ ବର୍ଷେ ତଳେ ଦେଶ ମାତୃକା ହରାଇଥିଲା ତାର 40 ବୀର ଯବାନଙ୍କୁ । ସାରା ଦେଶରୁ ବୀର ଶହୀଦଙ୍କୁ ଶ୍ରଦ୍ଧାଞ୍ଜଳି ଦିଆଯାଉଛି । ଏହି ପରିପ୍ରେକ୍ଷୀରେ ବାଲୁକା ଶିଳ୍ପୀ ସୁଦର୍ଶନ ପଟ୍ଟନାୟକ ବାଲୁକା କଳା ମାଧ୍ୟମରେ ବୀର ଶହୀଦଙ୍କୁ ଶ୍ରଦ୍ଧାଞ୍ଜଳି ଜ୍ଞାପନ କରିଛନ୍ତି।
ସେହିପରି କେନ୍ଦ୍ରମନ୍ତ୍ରୀ ଧମେନ୍ଦ୍ର ପ୍ରଧାନ ଟ୍ବିଟ୍ କରି ଲେଖିଛନ୍ତି, ‘ସେହି ବୀର ଲଢୁଆ ପୁଅଙ୍କୁ ଶ୍ରଦ୍ଧାଞ୍ଜଳି ଦେଇଛନ୍ତି । ଦେଶ ସେହି ବୀର ଯବାନଙ୍କୁ ସର୍ବଦା ମନେ ରଖିବ। ଦେଶମାତୃକାର ସେବା ପାଇଁ ତାଙ୍କର ବଳିଦାନ ପାଇଁ ଦେଶ ତାଙ୍କ ନିକଟରେ ଋଣୀ ।’
2019, ଫେବୃଆରୀ 14ରେ ପୁଲୱାମାରେ ଆତଙ୍କୀ ଆକ୍ରମଣରେ ଶହୀଦ ହୋଇଥିଲେ 40 ଯବାନ ।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ