ଭୁବନେଶ୍ବର: ବିଶ୍ବରେ ଆତଙ୍କ ଖେଳାଇଛି କୋରୋନା। ରାଜ୍ୟରେ ମଧ୍ୟ ଜଣେ ଆକ୍ରାନ୍ତ ଚିହ୍ନଟ ହୋଇଛନ୍ତି । ତେବେ ରାଜ୍ୟ ସରକାର ଏନେଇ ଅନେକ ସଚେତନତା ମୂଳକ ପଦକ୍ଷେପ ଗ୍ରହଣ କରିଥିବାବେଳେ ରାଜ୍ୟ ମାନବାଧିକାର ଆୟୋଗ ମଧ୍ୟ ସତର୍କ ସୂଚନା ଜାରି କରିଛି।
ଏହା ଉଭୟ ସାଧାରଣ ଜନତା ଓ ମାନବାଧିକାର କର୍ମୀଙ୍କ ପାଇଁ ଜାରି କରାଯାଇଛି। ଆୟୋଗ ନିକଟରେ ମାମଲାର ଶୁଣାଣିବେଳେ ଅଭିଯୋଗକାରୀ ଓ ମାନବାଧିକାର କର୍ମୀ କୋର୍ଟରେ ଉପସ୍ଥିତ ରହିବେ ବୋଲି ପରାମର୍ଶ ଦିଆଯାଇଛି। ଗୁରୁତ୍ବପୂର୍ଣ୍ଣ ମାମଲାରେ ସମ୍ପୃକ୍ତି ଥିବା ଲୋକେ ହିଁ କେବଳ ଆସିବା ସହ ଅନ୍ୟମାନେ ଅଯଥା ନଆସିବାକୁ କୁହାଯାଇଛି ।
ସେହିପରି ଏଠାକୁ ଆସୁଥିବା ଅଭିଯୋଗକାରୀ, କାର୍ଯ୍ୟରତ କର୍ମଚାରୀ ଓ ଓକିଲମାନେ ଏହି ସର୍ତ୍ତାବଳୀକୁ ଅବଲମ୍ବନ କରିବାକୁ ଅନୁରୋଧ କରାଯାଇଛି ।
ଭୁବନେଶ୍ବରରୁ ବିକାଶ ଦାସ, ଇଟିଭି ଭାରତ
