ଭୁବନେଶ୍ବର: କୋରୋନାର ନୂଆ ଭାରିଏଣ୍ଟକୁ ନେଇ ଚିନ୍ତାରେ ସାରା ବିଶ୍ବ । ବର୍ତ୍ତମାନ ସୁଦ୍ଧା 27ଟି ଦେଶକୁ ପହଞ୍ଚି ସାରିଲାଣୀ । ଏହି ଭୂତାଣୁକୁ ନେଇ ଆହୁରି କିଛି ସମୟ ଲାଗିବ । ଭୂତାଣୁର ଭୟାବହତା କିଭଳି ରହୁଛି । ଏହାକୁ ଜାଣିବା ପାଇଁ ଅନୁସନ୍ଧାନ ଜାରି ରଖିଛି ବିଶ୍ୱ ସ୍ୱାସ୍ଥ୍ୟ ସଂଗଠନ । ଯେଉଁ ପର୍ଯ୍ୟନ୍ତ ଭୂତାଣୁ ବିଷୟରେ କିଛି ଜଣାପଡିନାହିଁ ।
ସେ ପର୍ଯ୍ୟନ୍ତ ଜନସାଧାରଣ ମାନଙ୍କୁ ଡରାଇବା ଠିକ ନୁହେଁ । ଏହାକୁ ନେଇ ବିଭିନ୍ନ ସ୍ୱାସ୍ଥ୍ୟ ବିଶେଷଜ୍ଞ ମାନେ ଟୀକାକରଣ ଉପରେ ଅଧିକ ଗୁରୁତ୍ୱ ଦେଇଛନ୍ତି। ମାକ୍ସକୁ ଅଧିକ ଗୁରୁତ୍ଵ ଦେବା । ଯଦି କୌଣସି ଲକ୍ଷଣ ଆସୁଛି । ଯଥା ସମ୍ଭବ ଟେଷ୍ଟ କରାଇନେବା । ଲୋକଙ୍କ ସହ ମିଳାମିଶା କରିବା ନାହିଁ । ଯେଉଁମାନେ ବିଦେଶରୁ ଆସୁଛନ୍ତି ସେମାନଙ୍କର ତଥ୍ୟ ଖୁବ ଶୀଘ୍ର ପ୍ରଦାନ କରାଇବା । ଏପର୍ଯ୍ୟନ୍ତ ରାଜ୍ୟରେ କୌଣସି ଆତଙ୍କ ନାହିଁ । ତଥାପି ସଚେତନ ରହିବା ଆବଶ୍ୟକ।
ଏହାକୁ ନେଇ ମଧ୍ୟ ବୁଧବାର ମୁଖ୍ୟମନ୍ତ୍ରୀ ଏକ ସମୀକ୍ଷା ବୈଠକ କରିଥିଲେ । ଯେଉଁଥିରେ ସମସ୍ତ ଜନସାଧାରଣଙ୍କୁ ଅପିଲ କରିଛନ୍ତି ଯେ ସମସ୍ତେ କୋଭିଡ ନିୟମ କଡ଼ାକଡ଼ି ଭାବରେ ମାନିବାକୁ । କୋରୋନାର ନୂଆ ଭୂତାଣୁକୁ ନେଇ ବିଦେଶରୁ ଆସୁଥିବା ଯାତ୍ରୀ ମାନଙ୍କ ଉପରେ କେନ୍ଦ୍ର ସରକାରଙ୍କର ନଜର ରହିଛି। ବିପଦ ରହିଥିବା ଦେଶରୁ ଯାତ୍ରୀ ଆସିଲେ ବିମାନବନ୍ଦରରେ ଆରଟିପିସିଆର ଟେଷ୍ଟ କରାଯିବ।
ଭୁବନେଶ୍ବରରୁ ବିକାଶ ଦାସ, ଇଟିଭି ଭାରତ
