ଭୁବନେଶ୍ବର: ମମିତା ମେହେର ହତ୍ୟାକାଣ୍ଡ(Mamita Meher Murder Case) ଘଟଣାରେ କାହିଁକି ତଦନ୍ତ କରୁନାହିଁ ସ୍ପେଶାଲ ଇନଭେଷ୍ଟିଗେସନ ୱିଙ୍ଗ (Special Investigation Wing) । ପ୍ରଶ୍ନ ଉଠାଇଲେ ବିଜେପି ବିଧାୟିକା କୁସୁମ ଟେଟେ ।
ରାଜ୍ୟରେ ମହିଳା ବିରୋଧୀ ଅପରାଧ ପାଇଁ ଜାନୁଆରୀ 2021 ରେ ରାଜ୍ୟ ସରକାର ଗଠନ କରିଥିଲେ ଏକ ସ୍ପେଶାଲ ୱିଙ୍ଗ। ଯାହାର ମୁଖ୍ୟ ଭାବେ ଆଇପିଏସ(IPS) ଏସ ସାଇନୀଙ୍କୁ ନିଯୁକ୍ତ କରିଥିଲେ ରାଜ୍ୟ ସରକାର ।
ତେଣୁ ମମିତା ମେହେର ଘଟଣାରେ ଏହି ସ୍ବତନ୍ତ୍ର ୱିଙ୍ଗ ତଦନ୍ତ କରିବା କଥା । କିନ୍ତୁ ଏହି ୱିଙ୍ଗ ତଦନ୍ତ କରୁନାହିଁ । ଏନେଇ ରାଜ୍ୟ ପୋଲିସ ଏକାଡେମୀରେ ବିଜେପି ମହିଳା ମୋର୍ଚ୍ଚା ସଭାପତି (Odisha bjp Mahila Morcha President) ସ୍ମୃତି ପଟ୍ଟନାୟକ ଏବଂ ବିଧାୟକ କୁସୁମ ଟେଟେ ସରକାର ଗଠନ କରିଥିବା ସ୍ପେଶାଲ ୱିଙ୍ଗ ମୁଖ୍ୟ ଏସ ସାଇନିଙ୍କୁ ସାକ୍ଷାତ କରି ପଚାରିଛନ୍ତି । ହେଲେ ସେ କୌଣସି ତଦନ୍ତ କରୁନଥିବା କହିଥିବା କହିଛନ୍ତି ବିଧାୟିକା କୁସୁମ ଟେଟେ । ତେଣୁ ମୁଖ୍ୟମନ୍ତ୍ରୀ ମିଛ କହିଛନ୍ତି ବୋଲି ଅଭିଯୋଗ କରିଛନ୍ତି କୁସୁମ ।
ଭୁବନେଶ୍ବରରୁ ମନୋରଞ୍ଜନ ଶଙ୍ଖୁଆ, ଇଟିଭି ଭାରତ
