ଭୁବନେଶ୍ୱର: ଓଡ଼ିଶାରେ ଦକ୍ଷିଣ-ପଶ୍ଚିମ ମୌସୁମୀର ସ୍ଥିତି ତଥା ଋତୁକାଳୀନ ବର୍ଷାର ସ୍ଥିତି କଣ ରହିଛି ନଜର ପକାନ୍ତୁ । ଭୁବନେଶ୍ୱର ଆଞ୍ଚଳିକ ପାଣିପାଗ କେନ୍ଦ୍ର ଅନୁଯାୟୀ, ଜୁନ 1 ରୁ ୫ ଅଗଷ୍ଟ ୨୦୨୦ ମଧ୍ୟରେ ଓଡ଼ିଶାରେ ୫୫୩.୯ ମିମି ବର୍ଷା ରେକର୍ଡ ହୋଇଛି । ଯାହା ସ୍ୱାଭାବିକ ବର୍ଷା ୬୨୫.୯ ଠାରୁ ୧୧ ପ୍ରତିଶତ କମ ରହିଛି । ସେପଟେ ଉପକୂଳରେ ସର୍ବାଧିକ ବର୍ଷା ରେକର୍ଡ କରାଯାଇଛି ।
ସେହିପରି ୧ ଜୁନ ରୁ ୫ ଅଗଷ୍ଟ ୨୦୨୦ ମଧ୍ୟରେ ଓଡ଼ିଶାର ୧୧ଟି ଜିଲ୍ଲା, ଯାଜପୁର (-୪୨%), ବାଲେଶ୍ୱର (-୩୫%), କେନ୍ଦ୍ରାପଡା (-୩୪%), ଖୋର୍ଦ୍ଧା (-୩୧%), କଟକ(-୨୬%), ନୟାଗଡ(-୨୫%), ସୋନପୁର (-୨୪ %), ଜଗତସିଂହପୁର (-୨୩%), ମୟୂରଭଞ୍ଜ(-୨୩%), ପୁରୀ (-୨୦%), ଏବଂ ବଲାଙ୍ଗୀର (-୨୦%) ଠାରେ ସ୍ୱାଭାବିକ ବର୍ଷା ଠାରୁ କମ ବର୍ଷା ରେକର୍ଡ କରାଯାଇଛି ।
୧ ଜୁନ ରୁ ୫ ଅଗଷ୍ଟ ୨୦୨୦ ମଧ୍ୟରେ ଓଡ଼ିଶାର ଅବଶିଷ୍ଟ ୧୯ଟି ଜିଲ୍ଲାରେ ସ୍ୱାଭାବିକ ବର୍ଷା ରେକର୍ଡ କରାଯାଇଛି । ୧ ଜୁନ ରୁ ୫ ଅଗଷ୍ଟ ୨୦୨୦ ମଧ୍ୟରେ ଯାଜପୁର ଜିଲ୍ଲାରେ ସର୍ବନିମ୍ନ ୪୨ % କମ ବର୍ଷା ରେକର୍ଡ କରାଯାଇଛି । ୧ ଜୁନ ରୁ ୫ ଅଗଷ୍ଟ ୨୦୨୦ ମଧ୍ୟରେ ଝାରସୁଗୁଡା ଜିଲ୍ଲାରେ ସର୍ବାଧିକ ୭୫୨.୭ ମିମି ରେକର୍ଡ କରାଯାଇଛି ଯାହା ସ୍ୱାଭାବିକ ବର୍ଷା ୬୫୦.୯ ଠାରୁ ୧୬% ପ୍ରତିଶତ ଅଧିକ ।
୧ ଜୁନ ରୁ ୫ ଅଗଷ୍ଟ ୨୦୨୦ ମଧ୍ୟରେ, ଓଡ଼ିଶାରେ ୪ଟି ଜିଲ୍ଲାରେ ୩୦ ପ୍ରତିଶତ କିମ୍ବା ତା ଠାରୁ କମ ବର୍ଷା ରେକର୍ଡ ହୋଇଥିବା ଜିଲ୍ଲା ମଧ୍ୟରେ ଯାଜପୁର ୪୨ % କମ, ବାଲେଶ୍ୱର ୩୫ ପ୍ରତିଶତ କମ, କେନ୍ଦ୍ରାପଡା ୩୪ % କମ, ଏବଂ ଖୋର୍ଦ୍ଧା ୩୧ % କମ ରେକର୍ଡ ହୋଇଛି ।
ଭୁବନେଶ୍ବରରୁ ସଞ୍ଜୀବ ରାୟ, ଇଟିଭି ଭାରତ
