ଭୁବନେଶ୍ବର: ବର୍ତ୍ତମାନ ପାଟକୁରାରୁ କାହାକୁ ମୈଦାନକୁ ଓହ୍ଲାଇବ ବିଜେଡି । ବେଦପ୍ରକାଶ ଅଗ୍ରୱାଲଙ୍କ ସ୍ଥାନରେ ଦଳ କାହାକୁ ଦେବ ଟିକେଟ ତାକୁ ନେଇ ଆରମ୍ଭ ହୋଇଛି ଚର୍ଚ୍ଚା । ବିଜେଡି ସେଠାରୁ ନୂଆ ଚେହେରା ଦେବ ନା ବେଦଙ୍କ ପରିବାରର କୌଣସି ନିର୍ବାଚନ ମୈଦାନକୁ ଓହ୍ଲାଇବ ତା' ଉପରେ ସମସ୍ତଙ୍କ ନଜର ।
ଚର୍ଚ୍ଚା ହେଉଛି ବେଦପ୍ରକାଶ ଅଗ୍ରୱାଲଙ୍କ ପୁଅ ସଞ୍ଜୟ ଅଗ୍ରୱାଲଙ୍କୁ ଦଳ ଟିକେଟ ଦେଇପାରେ । ଅନ୍ୟପଟେ ତେଜେଶ୍ୱର ପରିଡାଙ୍କ ନାମ ମଧ୍ୟ ଉଠୁଛି । ଏକଥା ମଧ୍ୟ କୁହାଯାଉଛି ଯେ ଦଳ ନୂଆ ଚେହେରାକୁ ମୈଦାନକୁ ଓହ୍ଲାଇପାରେ । ଯେହେତୁ ବିଜୟ ମହାପାତ୍ର ବିଜେପିର ଜଣେ ହେଭିୱେଟ ନେତା, ତେଣୁ ତାଙ୍କୁ ଟକ୍କର ଦେବାକୁ ବିଜେଡି ସମସ୍ତ କଳ, ବଳ କୌଶଳ ଖଟାଇବ ବିଜେଡି ।
ଏଭଳି ପରିସ୍ଥିତିରେ ବେଦ ପ୍ରକାଶ ଅଗ୍ରୱାଲଙ୍କ ପୁଅ ସଞ୍ଜୟ ଅଗ୍ରୱାଲ ନିଜ ମତ ରଖିଛନ୍ତି । ସେ କହିଛନ୍ତି ଯେ ତାଙ୍କୁ ଟିକେଟ ଦେବା ନଦେବା ମୁଖ୍ୟମନ୍ତ୍ରୀଙ୍କ ଇଚ୍ଛାଧିନ ବ୍ୟାପାର । ଚଳିତ ମାସ ୨୯ ତାରିଖରେ କେନ୍ଦ୍ରାପଡ଼ା ସଂସଦୀୟ କ୍ଷେତ୍ରରେ ଚତୁର୍ଥ ତଥା ଅନ୍ତିମ ପର୍ଯ୍ୟାୟ ନିର୍ବାଚନ ଅଛି । ତାହାକୁ ନେଇ ସେ ବ୍ୟସ୍ତ ଅଛନ୍ତି । ବାପାଙ୍କ ଶୁଦ୍ଧିକ୍ରିୟା କାମ ସହିତ କେନ୍ଦ୍ରାପଡା ସାଂସଦ ପ୍ରାର୍ଥୀଙ୍କୁ କିଭଳି ବିପୁଳ ସଂଖ୍ୟା ଭୋଟରେ ନିର୍ବାଚିତ କରିବାକୁ ପଡିବ ସେନେଇ ସେ ସମସ୍ତ ସମୟ ଦେଉଛନ୍ତି ।
ବିଜୁ ବାବୁଙ୍କ କର୍ମଭୂମି ପାଟକୁରା । ବିଜେଡି ଓଡ଼ିଶାର ସବୁଠୁ ବଡ ଆଞ୍ଚଳିକ ଦଳ । ନବୀନ ବାବୁ ଆଉ ଶଙ୍ଖ ଚିହ୍ନ ସବୁଠୁ ବଡ ବଳ । ବାପାଙ୍କ ଆଶୀର୍ବାଦ ଅଛି ଆଗକୁ ପାଟକୁରାବାସୀଙ୍କ ସାହାଯ୍ୟ ସମର୍ଥନ ଓ ଆଶୀର୍ବାଦ ମିଳିବ ବୋଲି ସଞ୍ଜୟ ଅଗ୍ରୱାଲ କହିଛନ୍ତି ।
ଭୁବନେଶ୍ବରରୁ ସଞ୍ଜୀବ ରାୟ, ଇଟିଭି ଭାରତ
