ଭୁବନେଶ୍ବର: ରାଜଧାନୀରେ ଆତଙ୍କ ରଚାଇଛନ୍ତି ବିଲଡ଼ର । ଜମିଜମା ବ୍ୟାପାରକୁ ନେଇ ବଢିଚାଲିଛି ଅପରାଧ । ଯାହାର ସଦ୍ୟ ଉଦାହରଣ ସାମ୍ନାକୁ ଆସିଛି । ମଙ୍ଗଳବାର ରଙ୍ଗମାଟିଆରେ ଘଟିଥିବା ହତ୍ୟାକାଣ୍ଡ ହିଁ ବୟାନ କରୁଛି ସମସ୍ତ ଘଟଣା । ପୂର୍ବ ଶତ୍ରୁତାକୁ ନେଇ ଦିପକ ବେହେରା ଓରଫ ଲଣ୍ଡାକୁ ଦୃର୍ବୃତ୍ତ ହତ୍ୟା କରିଥିବା ବେଳେ ଏହାର ପ୍ରମୁଖରେ ରହିଛି ଜମି ବାଡ଼ିକୁ ନେଇ ଉପୁଜିଥିବା ଗଣ୍ଡଗୋଳ ।
ସଂଘବଦ୍ଧ ଭାବରେ 5 ରୁ 6ଜଣ କରିଥିଲେ ଆକ୍ରମଣ । ମଙ୍ଗଳବାର ରାତିରେ ଗୋଡ଼ାଇ ଗୋଡ଼ାଇ ଦିପକ ବେହେରାକୁ ହାଣିଥିଲେ । ଏହି ଘଟଣାରେ 6 ଜଣଙ୍କ ବିରୋଧରେ ମଞ୍ଚେଶ୍ବର ଥାନାରେ ହୋଇଛି ଅଭିଯୋଗ । ସେମାନେ ହେଲେ ରଙ୍ଗମାଟିଆର ବିଲଡର ପ୍ରମୋଦ ପରିଡା, ପ୍ରତାପ ପରିଡା, ପ୍ରଫୁଲ ପରିଡା, ପିଙ୍କନ ପରିଡା, ସୁର ସାହୁ ଓ ଅଭିଜିତ ସାହୁ।
ପୂର୍ବ ଶତ୍ରୁତାକୁ ନେଇ ହତ୍ୟାକାଣ୍ଡ ହୋଇଥିବା କହିଛନ୍ତି ଭୁବନେଶ୍ବର ଡିସିପି । ସେମାନଙ୍କ ମଧ୍ୟରୁ ୨ ଜଣଙ୍କୁ ଅଟକ ରଖିଛି ପୋଲିସ । ଅନ୍ୟ ଅଭିଯୁକ୍ତ ଫେରାରଥିବା ବେଳେ ସେମାନଙ୍କୁ ଧରିବା ପାଇଁ ସ୍ପେଶାଲ ସ୍କ୍ବାର୍ଡର ଦୁଇଟି ଟିମ୍ ଚଢାଉ ଜାରି ରଖିଥିବା କହିଛନ୍ତି ଡ଼ିସିପି ।
ଭୁବନେଶ୍ବରରୁ ତାପସ ପରିଡ଼ା, ଇଟିଭି ଭାରତ
