ଭୁବନେଶ୍ବର: ନିଶା ବେପାରୀଙ୍କ ଗଡ ପାଲଟିଛି ରାଜଧାନୀ । ନିଶା ବେପାର ପାଇଁ ଗଳିକନ୍ଦିକୁ ମଧ୍ୟ ଛାଡୁ ନାହାନ୍ତି ଏମାନେ। ଏପରିକି ସହରର ଅନେକ ସ୍ଥାନରେ ଅବାଧରେ ଚାଲିଛି ନିଶା ବେପାର । ଆଉ ଏହି ବେପାରୀଙ୍କୁ ଲଗାମ ଲଗାଇବା ପାଇଁ ଉଦ୍ୟମ ଆରମ୍ଭ କରିଛି କମିଶନରେଟ ପୋଲିସ । କମିଶନରେଟ ପୋଲିସ ପକ୍ଷରୁ ଆରମ୍ଭ ହୋଇଛି ସ୍ପେଶାଲ ଡ୍ରାଇଭ । ଏହି ଡ୍ରାଇଭ ଯୋଗୁଁ ପ୍ରଥମ ଦିନରେ 15ରୁ ଅଧିକ ନିଶା ବେପାରୀଙ୍କୁ ଗିରଫ କରିବାରେ ସଫଳ ହୋଇଛି ପୋଲିସ ।
ଭିଡିଓ ସୌଜନ୍ୟ: ସମ୍ବାଦଦାତା, ଭୁବନେଶ୍ବର
ମିୟାଁମାରରୁ ନିଶା କାରବାର ହେଉଥିବା ବେଳେ ଏହାର ଚେର ଜଳେଶ୍ବର ଆଡକୁ ଲମ୍ବିଛି । ଖୁଚୁରା ବ୍ୟବସାୟୀ ଓ ମୁଖ୍ୟ ବ୍ୟବସାୟୀଙ୍କୁ ଧରିବାରେ ସଫଳ ହେଉଛି ପୋଲିସ । ଏମାନେ ନିଶା କାରବାର କରିବା ସହ ବିଭିନ୍ନ ଅପରାଧିକ ମାମଲାରେ ସମ୍ପୃକ୍ତି ଥିବା ପୋଲିସ ଜାଣିବା ପରେ ଏମାନଙ୍କୁ ଧରିବାକୁ ଜୋରଦାର ଉଦ୍ୟମ କରିଛି । ଏଥିପାଇଁ ବିଭିନ୍ନ ସ୍ଥାନରେ ପୋଲିସ ପକ୍ଷରୁ ଚଢାଉ ଜାରି ରହିଛି ।
ଭୁବନେଶ୍ବରରୁ ବିକାଶ ଦାସ, ଇଟିଭି ଭାରତ
