ଭୁବନେଶ୍ବର: ଓଡିଶାରେ ତଳମୁହାଁ କୋରୋନା ଗ୍ରାଫ୍ । ଗତ ୨୪ ଘଣ୍ଟା ମଧ୍ୟରେ ରାଜ୍ୟରୁ ଚିହ୍ନଟ ହୋଇଛନ୍ତି ୨୨୬ ନୂଆ ସଂକ୍ରମିତ । ସଂକ୍ରମିତଙ୍କ ମଧ୍ୟରେ ୩୩ ଜଣ ୧୮ ବର୍ଷରୁ କମ୍ ବୟସ୍କ ଥିବା ସୂଚନା । ସେହିପରି ନୂଆ ପଜିଟିଭଙ୍କ ମଧ୍ୟରେ ୧୨୮ଜଣ କ୍ବାରେଣ୍ଟାଇନ ଏବଂ ୯୮ଜଣ ସ୍ଥାନୀୟ ସଂକ୍ରମଣ ମାମଲା ରହିଛି । ଖୋର୍ଦ୍ଧା ଜିଲ୍ଲାରୁ ସର୍ବାଧିକ ୧୧୪ ଆକ୍ରାନ୍ତ ଚିହ୍ନଟ ହୋଇଛନ୍ତି ।
ଆଜିର ସଂକ୍ରମିତଙ୍କ ମଧ୍ୟରେ ବାଲେଶ୍ବରରୁ ୧୦, ବରଗଡ ୧, ଭଦ୍ରକରୁ ୪, ବୌଦ୍ଧରୁ ୧, କଟକରୁ ୧୫, ଦେବଗଡରୁ ୧, ଢେଙ୍କାନାଳରୁ ୧, ଗଞ୍ଜାମରୁ ୨, ଜଗତସିଂହପୁରରୁ ୪, ଯାଜପୁରରୁ ୮, କଳାହାଣ୍ଡିରୁ ୩, କେନ୍ଦ୍ରପଡାରୁ ୩ , ଖୋର୍ଦ୍ଧାରୁ ୧୧୪, କୋରାପୁଟରୁ ୨, ମାଲକାନଗିରିରୁ ୨, ମୟୂରଭଞ୍ଜରୁ ୬, ନୟାଗଡରୁ ୩, ପୁରୀରୁ ୧, ସମ୍ବଲପୁରରୁ ୭, ସୁନ୍ଦରଗଡରୁ ୧୧ ଓ ଷ୍ଟେଟ ପୋଲରୁ ୨୭ଜଣ ସଂକ୍ରମିଣ ମାମଲା ରହିଛି ।
ଅପରପକ୍ଷେ ଗୋଟିଏ ଦିନରେ ରାଜ୍ୟରୁ ୨୩୬ ଜଣ ଆକ୍ରାନ୍ତ ସୁସ୍ଥ ହୋଇଛନ୍ତି । ବର୍ତ୍ତମାନ ସୁଦ୍ଧା ଓଡିଶାରୁ ସମୁଦାୟ ୧୦ଲକ୍ଷ, ୪୬ ହଜାର ୮୮ ଜଣ ସଂକ୍ରମିତ ହୋଇଛନ୍ତି । ସେଥିମଧ୍ୟରୁ ୧୦ଲକ୍ଷ ୩୪ ହଜାର ୯୯୫ ଜଣ ସୁସ୍ଥ ହୋଇଛନ୍ତି । ଏବେ ବି ୨୬୫୭ଟି ସକ୍ରିୟ ମାମଲା ରହିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
