ଭୁବନେଶ୍ବର: କଂଗ୍ରେସ ସଦ୍ଭାବନା ସମାବେଶ (Odisha Congress Sadbhavana rally) । ରାଜ୍ୟର ଯୁବପିଢ଼ିଙ୍କ ନିକଟରେ ଗାନ୍ଧୀ, ଗୋପବନ୍ଧୁଙ୍କ ବାର୍ତ୍ତାକୁ ପହଞ୍ଚାଇବା ପାଇଁ ରାଜ୍ୟ କଂଗ୍ରେସ ସେବାଦଳ ପକ୍ଷରୁ ଏକ ରାଜ୍ୟସ୍ତରୀୟ ସଦଭାବନା ସମାବେଶ କରାଯାଇଛି ।
ଓଡିଶା କଂଗ୍ରେସ ଗଠନକୁ 100 ବର୍ଷ ପୂର୍ତ୍ତି ଅବସରରେ କଂଗ୍ରେସର ସଦଭାବନା ରାଲି । ରାଜ୍ୟର 33 ସାଙ୍ଗଠନିକ ଜିଲ୍ଲାରୁ ସେବା ଦଳର କର୍ମୀମାନେ ଏଥିରେ ଯୋଗ ଦେଇଛନ୍ତି । କଂଗ୍ରେସ ଭବନରୁ ଏହି ରାଲି ବାହାରି ସହର ପରିକ୍ରମା କରିଥିଲା । ତଥା ଓଡ଼ିଶା ପ୍ରଭାରୀ ଡଃ ଏ ଚେଲ୍ଲାକୁମାର ସବୁଜ ପତାକା ଦେଖାଇ ଉଦଘାଟନ କରିଥିଲେ। ପିସିସି ସଭାପତି ନିରଞ୍ଜନ ପଟ୍ଟନାୟକଙ୍କ ସହ ବହୁ ତୁଙ୍ଗ ନେତା ଏହି ରାଲିରେ ଯୋଗ ଦେଇଛନ୍ତି । ରାଲି କଂଗ୍ରେସ ଭବନରେ ପହଞ୍ଚିବାରେ ଏକ ସଭା ଅନୁଷ୍ଠିତ ହୋଇଛି । ତେବେ ଏହି ସମାବେଶ ମାଧ୍ୟମରେ ଗାନ୍ଧୀ ଗୋପବନ୍ଧୁଙ୍କ ବାର୍ତ୍ତାକୁ ରାଜ୍ୟବାସୀଙ୍କ ପାଖକୁ ପହଞ୍ଚାଇବା ପାଇଁ ଚେଷ୍ଟା କରିବ ସେବା ଦଳ । ସବୁ ଧର୍ମ ସଂସ୍ଥାର କର୍ମକର୍ତ୍ତାମାନେ ଏହି ବିଶାଳ ସଦଭାବନା ସମାବେଶରେ ଯୋଗ ଦେଇଥିଲେ।
ରାଲିକୁ ଆକର୍ଷଣୀୟ କରିବା ପାଇଁ ବ୍ୟାଣ୍ଡ, ଲଉଡି ଖେଳ, ଘଣ୍ଟବାଦ୍ୟ, ଡଙ୍ଗରିଆ କନ୍ଧମାନଙ୍କ ବାଦ୍ୟ ଓ ନୃତ୍ୟ ଏବଂ ଖୋର୍ଦ୍ଧାର ପାଇକ ଝିଅ ଓ ପୁଅ ମାନଙ୍କ ଦ୍ବାରା କ୍ରୀଡ଼ା କୌଶଳ ପ୍ରଦର୍ଶନ କରାଯାଇଥିଲା। ଆଗକୁ ଆସୁଥିବା ପଞ୍ଚାୟତ ନିର୍ବାଚନ ଓ ରାଜ୍ୟରେ ବଢୁଥିବା ହିଂସା ବିରୋଧୀ ଲଢେଇରେ ସେବା ଦଳ ଗୁରୁତ୍ବପୂର୍ଣ୍ଣ ଭୂମିକା ନିର୍ବାହ କରିବ ବୋଲି ପ୍ରଭାରୀ ଚେଲ୍ଲା କୁମାର କହିଛନ୍ତି ।
ଭୁବନେଶ୍ବରରୁ ଦେବସ୍ମିତା ରାଉତ,ଇଟିଭି ଭାରତ
