ଭୁବନେଶ୍ବର: ଗଞ୍ଜେଇ ଚାଲାଣ ପାଇଁ ନୂଆ ନୂଆ ତରିକା ଆପଣାଉଛନ୍ତି ଚୋରାଚାଲାଣକାରୀ । ଏଭଳି ଏକ ଚୋରାଚାଲାଣ ଗ୍ୟାଙ୍ଗର ଫର୍ଦ୍ଦାଫାଶ କରିଛି ନାର୍କୋଟିକ କଣ୍ଟ୍ରୋଲ ବ୍ୟୁରୋ । ଗଞ୍ଜାମରୁ ହରିୟାଣା ଗଞ୍ଜେଇ ଚାଲାଣବେଳେ ଏକ ଝାଡୁ ବୋଝେଇ ଟ୍ରକକୁ ଜବତ କରିଛି ନାର୍କୋଟିକ କଣ୍ଟ୍ରୋଲ ବ୍ୟୁରୋ । ଗଞ୍ଜାମର ପୁଣିତଳା ଛକରୁ ଏହି ଟ୍ରକକୁ ଜବତ କରାଯାଇଛି ।
ଏହି ଟ୍ରକରେ 4ଶହ କେଜି ଗଞ୍ଜେଇ ଚାଲାଣ ହେଉଥିଲା । ଏହାକୁ ଏନସିବିର ଭୁବନେଶ୍ବର ଟିମ ଜବତ କରିଛି । ଏଥିସହ ଟ୍ରକ ଡ୍ରାଇଭରକୁ ମଧ୍ୟ ଗିରଫ କରିଛି ବିଭାଗ । ତେବେ ଗିରଫ ପରେ ଟ୍ରକ ଚାଳକକୁ ଛତ୍ରପୁର କୋର୍ଟକୁ ଚାଲାଣ କରାଯାଇଛି ।
ଆଗକୁ ନିର୍ବାଚନ ଥିବାରୁ ବିଭାଗର ଚଢାଉ ଜାରି ରହିଛି ।
ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ
