ଭୁବନେଶ୍ବର: ରାଜଧାନୀରେ ଘଟିଛି ବିଭତ୍ସ ହତ୍ୟାକାଣ୍ଡ। ଗଳାକାଟିବା ସହ ଗୋଡାଇ ଗୋଡାଇ ହାଣି ଅତି ନିର୍ମମ ଭାବେ କରି ହତ୍ୟା କରିଛନ୍ତି ଦୁର୍ବୃତ୍ତ । ଏୟାରଫିଲ୍ଡ ଥାନା ସୁନ୍ଦରପଦା ଏକାମ୍ର କଲେଜ କଡରେ ଘଟିଛି ଘଟଣା । ଏନେଇ ତଦନ୍ତ ଜାରି ରହିଥିବା ଡିସିପି ଅନୁପ ସାହୁ ପ୍ରକାଶ କରିଛନ୍ତି ।
ମୃତ ବ୍ୟକ୍ତି ଅମରେଶ ନାୟକ ବୋଲି ଜଣାପଡିଛି । ତେବେ ଘଟଣାସ୍ଥଳରେ ପୋଲିସ ପହଞ୍ଚି ଘଟଣାର ଛାନଭିନ ଆରମ୍ଭ କରିଛି । ବାଣ ଫୁଟାକୁ ନେଇ ବିବାଦ ପରେ ହତ୍ୟା କରାଯାଇଥିବା ସୂଚନା ମିଳିଛି। ତେବେ ସୋମବାର ସକାଳୁ ଘଟଣାରେ ସମ୍ପୃକ୍ତ ଥିବା ସନ୍ଦେହ କରି ଜଣେ ରାଜନେତାଙ୍କୁ ଅଟକ ରଖିଥିଲା ପୋଲିସ । କିନ୍ତୁ ଥାନାରେ ଅଭିଯୁକ୍ତଙ୍କ ସମର୍ଥକ ଘେରାଉ କରିବା ପରେ ପୋଲିସ ତାଙ୍କୁ ଛାଡି ଦେଇଛି । ଏଭଳି ସ୍ଥିତିରେ ହତ୍ୟାକାରୀ କିପରି ଗିରଫ ହେବ ତାହା ପୋଲିସ ପାଇଁ ଏକ ବଡ ଚ୍ୟାଲେଞ୍ଜ ସୃଷ୍ଟି କରିଛି ।
ରାଜଧାନୀରେ ଯୁବକଙ୍କୁ ନିର୍ମମ ହତ୍ୟା
ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ
