ଭୁବନେଶ୍ବର: ଗତ ଦୁଇ ଦିନ ତଳେ ରାଜଧାନୀରେ ଥିବା ଏସପ୍ଲାନେଡ ମଲରେ ଜଣେ କାର୍ଯ୍ୟରତ ସାମ୍ବାଦିକାଙ୍କୁ ଆକ୍ରମଣ କରାଯାଇଥିଲା । ସପିଙ୍ଗ ମଲର କିଛି କର୍ତ୍ତୃପକ୍ଷ ସଙ୍ଘବଦ୍ଧ ଭାବରେ ଆକ୍ରମଣ କରିଥିବାର ଦେଖିବାକୁ ମିଳିଥିଲା । ଯାହାକୁ କେନ୍ଦ୍ରକରି ଗତକାଲି(ରବିବାର) ଠାରୁ ମଲ ସାମ୍ନାରେ ଅନେକ ସାମ୍ବାଦିକ ଏକତ୍ର ହୋଇ ଆନ୍ଦେଳାନ କରିଥିଲେ ।
ଏସପ୍ଳାନେଡ ମଲ ସମ୍ମୁଖରେ ଜାରି ରହିଛି ସାମ୍ବାଦିକଙ୍କ ବିରୋଧ ପ୍ରଦର୍ଶନ
ସକାଳୁ ରାତି ପର୍ଯ୍ୟନ୍ତ ସାମ୍ବାଦିକମାନେ ବିକ୍ଷୋଭ କରିବା ପରେ ଗତକାଲି ରାତିରେ ଏସପ୍ଳାନେଡର ମ୍ୟାନେଜର ଶ୍ୟାମା ଝା ଙ୍କୁ ପୋଲିସ ଗିରଫ କରିଥିଲା । କିନ୍ତୁ ଗିରଫର କିଛି ସମୟ ପରେ ତାଙ୍କୁ ବେଲ ମିଳିଯିବାର ଘଟଣା ସାମ୍ନାକୁ ଆସିବା ପରେ ଆଜି(ସୋମବାର) ପୁଣି ସାମ୍ବାଦିକ ମାନେ ଏକତ୍ର ହୋଇ ଆନ୍ଦୋଳନରେ ବସିଛନ୍ତି ।
ଭୁବନେଶ୍ବରରୁ ଶତରୂପା ସାମନ୍ତରାୟ, ଇଟିଭି ଭାରତ
