ଭୁବନେଶ୍ବର: ମଙ୍ଗଳବାର ସବୁ ବିଦ୍ୟାଳୟରେ ପାଳନ ହେବ ଅନ୍ତର୍ଜାତୀୟ ବରିଷ୍ଠ ନାଗରିକ ଦିବସ । ସାରା ବିଶ୍ବ ବରିଷ୍ଠ ବ୍ୟକ୍ତିଙ୍କ ପାଇଁ ଦିନଟି ପାଳୁଥିବା ବେଳେ ଓଡିଶା ସରକାର ବିଦ୍ୟାଳୟ ସ୍ତରରେ ଏହାକୁ ପାଳିବେ । ଏନେଇ ସବୁ ଜିଲ୍ଲା ଶିକ୍ଷା ଅଧିକାରୀ ଓ ବ୍ଲକ ଶିକ୍ଷା ଅଧିକାରୀଙ୍କୁ ଚିଠି ଲେଖିଛି ଗଣଶିକ୍ଷା ବିଭାଗ ।
ବିଦ୍ୟାଳୟର ପ୍ରାର୍ଥନା ସମୟରେ ଜଣେ ଅବସରପ୍ରାପ୍ତ ବିଶିଷ୍ଟ ଶିକ୍ଷକ ଛାତ୍ରଛାତ୍ରୀଙ୍କୁ ଶିକ୍ଷଣୀୟ ଭାଷଣ ଦେବେ । ବିଶେଷ କରି ବରିଷ୍ଠ ନାଗରିକଙ୍କୁ କିପରି ସମ୍ମାନ, ଭଲ ପାଇବା ଓ ସହାନୁଭୂତି ପ୍ରଦାନ କରିବା କଥା ସେନେଇ ଛାତ୍ରଛାତ୍ରୀ ଙ୍କୁ ଅବଗତ କରାଇବେ ।
ଏହାକୁ କଡ଼ାକଡ଼ି ଭାବେ ପାଳନ କରିବାକୁ କୁହାଯାଇଛି । ନିକଟରେ ସାମାଜିକ ସୁରକ୍ଷା ଦିବସକୁ ବିଦ୍ୟାଳୟ ସ୍ତରରେ ପାଳନ କରିବାକୁ ବିଭାଗୀୟ ମନ୍ତ୍ରୀ ଚିଠି ଲେଖିଥିଲେ ।
ଭୁବନେଶ୍ବରରୁ ଜ୍ଞାନଦର୍ଶୀ ସାହୁ, ଇଟିଭି ଭାରତ
