ଭୁବନେଶ୍ବର: ଗଞ୍ଜାମ ଜିଲ୍ଲାର ରମ୍ଭା ଥାନା ଅଞ୍ଚଳର ଗୋପାଳପୁରରୁ ବିପୁଳ ପରିମାଣର ବିସ୍ଫୋରକ ସାମଗ୍ରୀ ଜବତ କରିଛି ଏସଟିଏଫ ଟିମ୍। ପ୍ରାୟ 392ଟି ବ୍ୟାଗରୁ 196 କ୍ବିଣ୍ଟାଲ ଆମୋନିୟମ ନାଇଟ୍ରେଟ, 3200ଟି ଗିଲୋଟିନ ଷ୍ଟିକ, 10406ଟି ଡିଟୋନେଟର ଜବତ ହୋଇଛି । ଏଭଳି ବିସ୍ଫୋରକ ସାମଗ୍ରୀ ରଖିବା ଓ ବେପାର କରିବା ଅଭିଯୋଗରେ ସରୋଜ କୁମାର ପଟ୍ଟନାୟକକୁ ଗିରଫ କରାଯାଇଛି ।
ଜବତ ହୋଇଥିବା ସାମଗ୍ରୀ ବମ୍ ତିଆରି କରିବାରେ ବ୍ୟବହାର କରାଯାଏ ବୋଲି ଜଣାପଡିଛି । ଖୋର୍ଦ୍ଧା ଅଞ୍ଚଳରେ ପଥର ଖଣି ଫଟାଇବା ଲାଗି ଏସବୁ ବ୍ୟବହାର ହେଉଥିବାବେଳେ ଏସଟିଏଫ ଏହାର ଖୋଳତାଡ କରି ଗୋପାଳପୁରରେ ପହଞ୍ଚିଥିବା ଜଣାପଡିଛି ।
ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ
