ଭୁବନେଶ୍ବର: ଆସନ୍ତା 8 ତାରିଖରେ ଅମିତ ଶାହଙ୍କ ଓଡିଶା ଗସ୍ତ ରହିଛି । ଶାହଙ୍କ ଗସ୍ତ କାର୍ଯ୍ୟକ୍ରମ କଣ ରହିବ ସେନେଇ ସୂଚନା ଦେଇଛନ୍ତି ଦଳର ସାଧାରଣ ସମ୍ପାଦକ ପୃଥ୍ୱୀରାଜ ହରିଚନ୍ଦନ । ହରିଚନ୍ଦନ କହିଛନ୍ତି ଏକ ଘରୋଇ ଖବର କାଗଜର 75 ବର୍ଷ ଉପଲକ୍ଷେ ଆୟୋଜିତ କାର୍ଯ୍ୟକ୍ରମରେ ସାମିଲ ହେବେ । ଅପରାହ୍ନରେ ଭୁବନେଶ୍ବରରେ ମୋଦି@20 ପୁସ୍ତକର ବହି ଉନ୍ମୋଚନ କରିବେ । ପରେ ଭାରତୀୟ ଜନତା ପାର୍ଟିର କାର୍ଯ୍ୟକର୍ତ୍ତାଙ୍କ ସହିତ ବିଭିନ୍ନ ପ୍ରକାର ରାଜନୈତିକ ଆଲୋଚନା କରିବେ।
ଗୃହମନ୍ତ୍ରୀ ଅମିତ ଶାହଙ୍କ ଗସ୍ତ, କୌଣସି ରାଜନୈତିକ କାର୍ଯ୍ୟକ୍ରମ ନାହିଁ: ପୃଥ୍ୱୀରାଜ ହରିଚନ୍ଦନ
ହରିଚନ୍ଦନ କହିଛନ୍ତି "ରାଜ୍ୟରେ ସଂଗଠନକୁ ଶକ୍ତିଶାଳୀ କରିବା ପାଇଁ ଅମିତ ଶାହା ମୂଳଦୂଆ ପକାଇଛନ୍ତି । ତାଙ୍କ ଦିଗଦର୍ଶନରେ ଦଳ ଆଗକୁ ବଢିଛି। ଆଗାମୀ ଦିନରେ ଦଳୀୟ ସଂଗଠନକୁ ସୁଦୃଢ କରିବା ପାଇଁ କାର୍ଯ୍ୟକ୍ରମ ଜାରି ରହିଛି ।" ତେବେ ଶାହାଙ୍କ ଗସ୍ତ ବେଳେ କୌଣସି ରାଜନୈତିକ କାର୍ଯ୍ୟକ୍ରମ ନଥିବା ସ୍ପଷ୍ଟ କରିଛନ୍ତି ପୃଥୀରାଜ ହରିଚନ୍ଦନ ।
ଇଟିଭି ଭାରତ, ଭୁବନେଶ୍ବର
