ଭୁବନେଶ୍ବର: ଅଫିସକୁ ବିଳମ୍ବରେ ଆସୁଥିବାରୁ ଉଚ୍ଚଶିକ୍ଷା ବିଭାଗ, ବିଭାଗୀୟ କର୍ମଚାରୀଙ୍କ ଉପରେ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରିଛି। କାର୍ଯ୍ୟାନୁଷ୍ଠାନ ନିଆଯାଇଥିବା କର୍ମଚାରୀଙ୍କ ମଧ୍ୟରେ ବିଭାଗର ଅତିରିକ୍ତ ସଚିବ, ଯୁଗ୍ମ ସଚିବ, ଉପ ସଚିବ, ସେକ୍ସନ ଅଫିସର ରହିଛନ୍ତି। କାର୍ଯ୍ୟାନୁଷ୍ଠାନ ସ୍ବରୂପ ସେମାନଙ୍କ ବାର୍ଷିକ ଛୁଟିରୁ ବିଳମ୍ବରେ ଆସିଥିବା ଦିନ ଗୁଡିକୁ କଟାଯାଇଛି। ଏନେଇ ଉଚ୍ଚଶିକ୍ଷା ବିଭାଗ ଏକ ବିଜ୍ଞପ୍ତି ପ୍ରକାଶ କରିଛି।
ଏହି ତାଲିକାରେ ଉଚ୍ଚଶିକ୍ଷା ବିଭାଗର 19 ଜଣ କର୍ମଚାରୀଙ୍କର ଛୁଟି କଟିଛି। ଉପ-ସଚିବ ପ୍ରାଣବନ୍ଧୁ ରାଉତଙ୍କ ସର୍ବାଧିକ 5 ଦିନ ଛୁଟି କଟିଥିବା ବେଳେ ସେକ୍ସନ ଅଫିସର ବଂଶୀଧର ମହାନ୍ତିଙ୍କ 4 ଦିନ, ଯୁଗ୍ମ ସଚିବ ରଞ୍ଜିତା ରଥଙ୍କ 3ଦିନ ଓ ଅନ୍ୟମାନଙ୍କର ଦିନେ ଓ ଦୁଇ ଦିନ ଲେଖାଁଏ ଛୁଟି କଟାଯାଇଛି।
ଭୁବନେଶ୍ବରରୁ ଜ୍ଞାନଦର୍ଶୀ ସାହୁ, ଇଟିଭି ଭାରତ
