ଭୁବନେଶ୍ବର: ରାଜ୍ୟରେ କୁହୁଡି ବଳୟରେ ରହିବ 5 ଜିଲ୍ଲା । ଆସନ୍ତା ୨୪ ଘଣ୍ଟା ଅର୍ଥାତ ସୋମବାର ମଧ୍ୟରେ 5 ଜିଲ୍ଲାରେ ଘନ କୁହୁଡି ନେଇ ୟେଲୋ ୱାର୍ଣ୍ଣିଂ ଜାରି କରିଛି ଆଞ୍ଚଳିକ ପାଣିପାଗ କେନ୍ଦ୍ର ଭୁବନେଶ୍ବର।
ସାରା ରାଜ୍ୟରେ ଜାରି ରହିଛି ଶୀତ ଲହରୀ । ଘନ କୁହୁ଼ଡି ସହ ଶୀତର ପ୍ରକୋପ ଜାରି ରହିଛି । ରାଜ୍ୟର 5ଟି ଜିଲ୍ଲା ବୌଦ୍ଧ,କନ୍ଧମାଳ,ନୟାଗଡ଼,ପୁରୀ ଓ କଳାହାଣ୍ଡି ଜିଲ୍ଲାରେ ଘନ କୁହୁଡି ଦେଖାଦେବ। ଆସନ୍ତା 5 ଦିନ ପର୍ଯ୍ୟନ୍ତ ପାଗ ଶୁଖିଲା ରହିବ। ସେହିପରି ଗତ 24 ଘଣ୍ଟାରେ ଫୁଲବାଣୀରେ ସର୍ବନିମ୍ନ ତାପମାତ୍ରା ରେକର୍ଡ କରାଯାଇଛି। ଫୁଲବାଣୀରେ ୫.୦,ଦାରିଙ୍ଗିବାଡିରେ ୮.୦,ଝାରସୁଗୁଡାରେ ୮.୨ ଡିଗ୍ରୀ ବୌଦ୍ଧ ୯.୦ ତାପମାତ୍ରା ରେକର୍ଡ କରାଯାଇଛି।
ରାଜ୍ୟରେ 5 ଜିଲ୍ଲାରେ ଘନ କୁହୁଡି ନେଇ ୟେଲ ୱାର୍ଣ୍ଣିଂ
ସେହିପରି ଆଭ୍ୟନ୍ତରୀଣ ଓଡ଼ିଶାରେ ତାପମାତ୍ରା ସ୍ବାଭାବିକ ଠାରୁ 2 ରୁ 4 ଡିଗ୍ରୀ କମ ଥିବାବେଳେ ଉପକୂଳରେ 1 ରୁ 2 ଡିଗ୍ରୀ କମ ରେକର୍ଡ କରାଯାଇଛି। ଭୁବନେଶ୍ବରରେ ୧୬.୦ ଡିଗ୍ରୀ ତାପମାତ୍ରା ରେକର୍ଡ କରାଯାଇଛି।
ଭୁବନେଶ୍ବରରରୁ ସଞ୍ଜୀବ ରାୟ,ଇଟିଭି ଭାରତ
