ଭୁବନେଶ୍ବର: ଓଡିଶା ଦେଇ ଉତ୍ତରପ୍ରଦେଶ ଯାଉଥିଲା ଚୋରା ଗଞ୍ଜେଇ । କୋରାପୁଟ ଜିଲ୍ଲା ଜୟପୁର ରାସ୍ତା ଦେଇ ଯିବା ବେଳେ ସୁରାକ ପାଇଲା ଏସଟିଏଫ ଟିମ । ଖାଲି ଟ୍ରକର ତେଲ ଟାଙ୍କିରେ ବୋଝେଇ ହୋଇଥିଲା ଗଞ୍ଜେଇ । ପୋଲିସ ଚେକିଂରୁ ବର୍ତ୍ତିବାକୁ ଟ୍ରକରେ ହୋଇଥିଲା ସେଟିଂ । ଏନେଇ ଏସଟିଏଫ ସୁରାକ ପାଇ ଚେକିଂ ବେଳେ ଧରାପଡିଥିଲା ଗଞ୍ଜେଇ ।
୫୪ କେଜି ଗଞ୍ଜେଇ ଜବତ କରିବା ସହ ଜଣେ ଅଭିଯୁକ୍ତକୁ ଗିରଫ କରିଛି ଏସଟିଏଫ ଟିମ । ତେବେ UP-21-CN-5646ନମ୍ବର ଥିବା ଟ୍ରକ ଜବତ କରିବା ସହ ଅଭିଯୁକ୍ତ ଉତ୍ତରପ୍ରଦେଶର ମୋରଦାବାଦ ଅଞ୍ଚଳର ମହମ୍ମଦ ଆଲମକୁ ଗିରଫ କରିଛି ଏସଟିଏଫ ଟିମ । ଏନେଇ କୋରାପୁଟ ସଦର ଥାନାରେ କେସ୍ ନମ୍ବର ୭୨ରେ ଏନଡିପିଏସ ଆକ୍ଟରେ ଅଭିଯୁକ୍ତକୁ କୋର୍ଟ ଚାଲାଣ କରାଯାଇଛି । ତେବେ ଲକଡାଉନ ଯୋଗୁଁ ନିଶାଡିଙ୍କ ଡିମାଣ୍ଡ ଦେଖି ଗଞ୍ଜେଇ ଚାଲାଣ କରୁଛନ୍ତି ଅସାଧୁ ବ୍ୟବସାୟୀ ।
ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ
