ଭୁବନେଶ୍ବର: ଆଜିଠୁ ଆରମ୍ଭ ହୋଇଯାଇଛି ଅଫଲାଇନ ସ୍ବତନ୍ତ୍ର ମାଟ୍ରିକ ପରୀକ୍ଷା । କିପରି ଚାଲିଛି ପରୀକ୍ଷା ଓ କୋରୋନା ନିୟମ ଅନୁସାରେ ସମସ୍ତ ନିୟମ ପାଳନ ହେଉଛି କି ନାହିଁ ତାର ତଦାରଖ କରିଛନ୍ତି ଗଣଶିକ୍ଷାମନ୍ତ୍ରୀ ସମୀର ଦାଶ । ଭୁବନେଶ୍ବର ୟୁନିଟ 1 ସରକାରୀ ଉଚ୍ଚ ବିଦ୍ୟାଳୟକୁ ପରିଦର୍ଶନ କରିଛନ୍ତି ବିଭାଗୀୟ ମନ୍ତ୍ରୀ ସମୀର ଦାଶ ।
ଅଫଲାଇନ ପରୀକ୍ଷା ପାଇଁ ଭୁବନେଶ୍ବରରେ 3 ଟି ପରୀକ୍ଷା କେନ୍ଦ୍ର ହୋଇଛି । ସେଥିମଧ୍ୟରୁ ୟୁନିଟ 1 ସରକାରୀ ଉଚ୍ଚ ବିଦ୍ୟାଳୟକୁ ପରିଦର୍ଶନ କରିଛନ୍ତି ଗଣଶିକ୍ଷା ମନ୍ତ୍ରୀ ସମୀର ଦାସ । ପରୀକ୍ଷା କିଭଳି ଚାଲିଛି, କୋଭିଡ କଟକଣା ଭିତରେ ସବୁ ହେଉଛି କି ନାହିଁ ତାହା ବୁଲି ତଦାରଖ କରିଛନ୍ତି ବିଭଗୀୟ ମନ୍ତ୍ରୀ । ରାଜ୍ୟରେ ହୋଇଥିବା ସମସ୍ତ ପରୀକ୍ଷା କେନ୍ଦ୍ରରେ ପରୀକ୍ଷା ଠିକଠାକ ଚାଲିଥିବା କହିଛନ୍ତି ସମୀର ଦାସ ।
ଚଳିତ ବର୍ଷ ମାଟ୍ରିକ ପରୀକ୍ଷା ଫଳାଫଳକୁ ନେଇ ଅସନ୍ତୁଷ୍ଟ ଓ ଅକୃତକାର୍ଯ୍ୟ ହୋଇଥିବା ଛାତ୍ରଛାତ୍ରୀ ଏହି ପରୀକ୍ଷା ଦେଉଛନ୍ତି । ରାଜ୍ୟରେ ସମୁଦାୟ ୧୫, ୧୩୬ଜଣ ଛାତ୍ରଛାତ୍ରୀ ଅଫଲାଇନ ପରୀକ୍ଷା ଦେଉଛନ୍ତି । ଏଥିପାଇଁ ସମଗ୍ର ରାଜ୍ୟରେ ୫୦୪ଟି ପରୀକ୍ଷା କେନ୍ଦ୍ର କରାଯାଇଛି । କୋଭିଡ ନିୟମ ଅନୁସାରଣ କରି ଏହି ପରୀକ୍ଷା କରାଯାଉଛି । ଆଜିଠାରୁ ଅଗଷ୍ଟ ୫ ତାରିଖ ଯାଏଁ ପରୀକ୍ଷା ଚାଲିବ ।
ଭୁବନେଶ୍ବରରୁ ବିକାଶ କୁମାର ଦାସ,ଇଟିଭି ଭାରତ
