ପ୍ୟାରିସ: ସମଗ୍ର ବିଶ୍ବରେ ଚାଲିଛି କୋରୋନା ବିରୋଧରେ ଲଢେଇ । ଏହି ଯୁଦ୍ଧରେ ଅହରହ ଲୋକଙ୍କ ସେବାରେ ଲାଗିପଡିଥିବା ଡାକ୍ତର, ପୋଲିସ, ସଫେଇ କର୍ମଚାରୀଙ୍କ ପାଇଁ ଚାରିଆଡେ ପ୍ରଶଂସାର ସୁଅ ଛୁଟୁଛି । ହେଲେ ଏମାନଙ୍କ ଛଡା ବି ଅନେକ ଲୋକ ଅଛନ୍ତି ଯେଉଁମାନେ ଦେଶ ସେବାରେ ନିଜକୁ ଉତ୍ସର୍ଗ କରିଛନ୍ତି । ନିକଟରେ ଜଣେ ଅଟୋ ଡ୍ରାଇଭର ପାଇଁ ମେଡିକାଲ ସମସ୍ତ କର୍ମଚାରୀ ତାଳି ମାରିଥିବା ଦୃଶ୍ୟ ସୋସିଆଲ ମିଡିଆରେ ଖୁବ ଭଇରାଲ ହେଉଛି ।
ସୂଚନାନୁଯାୟୀ, ନିକଟରେ ସ୍ପେନର ଏକ ମେଡିକାଲରେ ଜଣେ ଟ୍ୟାକ୍ସି ଡ୍ରାଇଭର ପ୍ରବେଶ କରିଛନ୍ତି ମେଡିକାଲରେ ଥିବା ସମସ୍ତ ନର୍ସ, ଡାକ୍ତର, ୱାର୍ଡ ବଏ ଠୁ ଆରମ୍ଭ କରି ରୋଗୀଙ୍କ ପରିଜନ ସମସ୍ତେ ତାଙ୍କୁ କର ତାଳି ଦେଇ ସ୍ବାଗତ କରିଥିଲେ । ସେ ଯେତେ ପାଦ ଆଗକୁ ଯାଉଥିଲେ ସେତେ ତାଳି ସେତେ ବଢି ବଢି ଚାଲିଥିଲା ।
ଆଉ ଏହାର କାରଣ ଥିଲା ତାଙ୍କର ଅନବରତ ସେବା । ଅର୍ଥାତ ଯେବେଠୁ ମହାମାରୀ କୋଭିଡ-19 ତାର ତାଣ୍ଡବ ରଚିବା ଆରମ୍ଭ କରିଛି ସେବେଠୁ ଯେଉଁବ୍ୟକ୍ତି ମାନେ କୌଣସି ରୋଗରେ ମେଡିକାଲ ଯିବା ପାଇଁ ବାହାରିଛନ୍ତି ସେ ତାଙ୍କୁ ଟ୍ୟାକ୍ସିରେ ନେଇ ଆସନ୍ତି । ଆଉ ତା ପୁଣି ବିନା ମୂଲ୍ୟରେ । କାହାଠାରୁ ସେ ଆଜି ଯାଏ ଟଙ୍କାଟିଏ ବି ନେଇ ନାହାନ୍ତି । ତେବେ ମେଡିକାଲ କର୍ତ୍ତୃପକ୍ଷ ଏ ବିଷୟରେ ଜାଣିବା ପରେ ତାଙ୍କୁ ଫୋନ କରିଥିଲେ । ଯେ ଜଣେ ରୋଗୀ ସୁସ୍ଥ ହୋଇଯଇଛନ୍ତି ଆପଣ ତାଙ୍କୁ ତାଙ୍କ ଘରେ ନେଇ ଛାଡି ଆସନ୍ତୁ ।
ଏହାପରେ ଟ୍ୟାକ୍ସି ଡ୍ରାଇଭର ଜଣଙ୍କ ତୁରନ୍ତ ମେଡିକାଲରେ ପହଞ୍ଚି ଯାଇଥିଲେ । ଆଉ ଯେତେବେଳେ ସେ ମେଡିକାଲରେ ପ୍ରବେଶ କରିଥିଲେ ସମସ୍ତେ ତାଙ୍କୁ କରତାଳି ଦେଇ ସ୍ବାଗତ କରିଥିଲେ । ଆଉ ଡ୍ରାଇଭର ଜଣଙ୍କ ଏ ବିଷୟରେ କିଛି ବୁଝି ନ ପାରି ଆଶ୍ଚର୍ଯ୍ୟ ହୋଇ ଚାହିଁଥିଲେ । ଏପରିକି ଜଣେ ରୋଗୀଙ୍କ ସମ୍ପର୍କୀୟ ତାଙ୍କ ପକେଟରେ ଟଙ୍କା ରଖିଥିଲେ । କିନ୍ତୁ ସେ ଏହା ନେଇନଥିଲେ । ଆଉ କିଛି ଲୋକ ତାଙ୍କୁ ଧନ୍ୟବାଦ ଦେବାକୁ ଯାଇ ଏପରି କହିଥିଲେ ଯେ, ପ୍ରତ୍ୟେକ ମଣିଷ ଯଦି ଆପଣଙ୍କ ପରି ହୋଇଯିବେ ତେବେ ଦୁନିଆ ବହୁତ ସୁନ୍ଦର ହୋଇଯିବ ।
