ଭୁବନେଶ୍ବର: ଛାତ୍ରଛାତ୍ରୀଙ୍କ ମୁଣ୍ଡରେ କୋଟି କୋଟି ଟଙ୍କାର ଋଣ । ଉଚ୍ଚଶିକ୍ଷା ବିଭାଗରୁ ଟଙ୍କା ନେଇ ସୁଝୁ ନାହାନ୍ତି ଛାତ୍ରଛାତ୍ରୀ । ଦୀର୍ଘ ବର୍ଷ ହେଲା ଛାତ୍ରଛାତ୍ରୀ ଋଣ ନେଇଥିଲେ ମଧ୍ୟ ପଇଠ କରିବାକୁ ଆଗଭର ଦେଖାଉନାହାନ୍ତି । ବାରମ୍ବାର ନିର୍ଦ୍ଦେଶ ପରେ ମଧ୍ୟ ଛାତ୍ରଛାତ୍ରୀ ନିର୍ଦ୍ଦେଶକୁ ପାଳନ କରୁନାହାନ୍ତି । ଯେଉଁଥିପାଇଁ ଉଚ୍ଚଶିକ୍ଷା ବିଭାଗ ଏବେ କଡ଼ା ଆଭିମୁଖ୍ୟ ଗ୍ରହଣ କରିଛି । ଖୁବ ଶୀଘ୍ର ଋଣ ପଇଠ କାଟିବାକୁ ଉଚ୍ଚ ଶିକ୍ଷା ବିଭଗ ପକ୍ଷରୁ ନିର୍ଦ୍ଦେଶ ଦିଆଯାଇଛି।
ଆସନ୍ତା ୩ ମାସ ମଧ୍ୟରେ ଇ-ପେମେଣ୍ଟ ମାଧ୍ୟମରେ ବକେୟା ଋଣ ପଇଠ କରିପାରିବେ । ଯଦି କୌଣସି ଛାତ୍ରଛାତ୍ରୀ ଏଥିରେ ଖିଲାପ କରନ୍ତି । ତାଙ୍କ ବିରୋଧରେ କଡ଼ା କାର୍ଯ୍ୟାନୁଷ୍ଠାନ ନିଆଯିବ ବୋଲି ବିଭାଗ ଚେତାବନୀ ଦେଇଛି।
ଛାତ୍ରଛାତ୍ରୀ ଋଣ ସୁଝି ନ ଥିବାରୁ ଉଚ୍ଚଶିକ୍ଷା ବିଭାଗ ବିଜ୍ଞପ୍ତି ଜାରି କରିଛି । ଯେଉଁମାନେ ଋଣ ନେଇଥିଲେ ସେମାନେ ଅନଲାଇନ ମାଧ୍ୟମରେ ଋଣ ଦେବାକୁ କୁହାଯାଇଛି । ଅନଲାଇନ ପୋର୍ଟାଲ odishatreasury.gov.in ପରିଦର୍ଶନ କରି ଇ-ପେମେଣ୍ଟ ମାଧ୍ୟମରେ ନିଜର ଲୋନ ପୈଠ କରିପାରିବେ ।
ଭୁବନେଶ୍ବରରୁ ବିକାଶ ଦାସ,ଇଟିଭି ଭାରତ
