ଭୁବନେଶ୍ବର: କୋରୋନାରେ ଆଖି ବୁଜିଲେ ସିଆରପିଏଫ ଡିଆଇଜି ସୁନୀଲ ପାର୍ଥ । କିଛି ଦିନ ତଳେ କୋରୋନାରେ ଆକ୍ରାନ୍ତ ହୋଇ ଚିକିତ୍ସାଧୀନ ଅବସ୍ଥାରେ ଆଜି (ଗୁରୁବାର) ତାଙ୍କର ମୃତ୍ୟୁ ହୋଇଛି ।
ଏପ୍ରିଲ 26 ତାରିଖରୁ କୋରୋନାରେ ଆକ୍ରାନ୍ତ ହୋଇ ଭୁବନେଶ୍ବରର ଆଦିତ୍ୟ କେୟାର ହସ୍ପିଟାଲରେ ଚିକିତ୍ସିତ ହେଉଥିଲେ ଡିଆଇଜି ସୁନୀଲ ପାର୍ଥ । ସୁନୀଲ ପାର୍ଥ ଜଣେ ଦକ୍ଷ ପୋଲିସ ଅଧିକାରୀ ଭାବେ ତାଙ୍କର କାର୍ଯ୍ୟ ସୂଚାରୁ ରୂପେ ତୁଲାଇଛନ୍ତି ।
ମହାମାରୀର ପ୍ରଥମ ଲହରରେ ତାଙ୍କ ନିଷ୍ଠାପର କାର୍ଯ୍ୟ ପାଇଁ ସେ ବେଶ ଚର୍ଚ୍ଚାରେ ରହିଥିଲେ । ସାଧାରଣ ଜୀବନ ବିତାଉଥିବା ଜଣେ ଉତ୍ତମ ସିଆରପିଏଫ ଅଫିସର ଭାବରେ ସେ ଅନେକଙ୍କର ପ୍ରେରଣା ଥିଲେ । ତାଙ୍କର ଅକାଳ ବିୟୋଗରେ ସିଆରପିଏଫ ବାଟାଲିୟନରେ ଶୋକର ଛାୟା ଖେଳିଯାଇଛି ।
ଭୁବନେଶ୍ବରରୁ ଦେବସ୍ମିତା ରାଉତ,ଇଟିଭି ଭାରତ
