ଭୁବନେଶ୍ୱର: ବିପିୟୁଟିର ଅଫଲାଇନ ପରୀକ୍ଷା ନିଷ୍ପତିକୁ ବିରୋଧ । ଏନେଇ ବୈଷୟିକ ମନ୍ତ୍ରୀ ପ୍ରେମାନନ୍ଦ ନାୟକଙ୍କ ବାସଭବନ ଘେରାଉ କରାଯାଇଥିଲା । ବିପିୟୁଟିର ଛାତ୍ରଛାତ୍ରୀ ମାଷ୍ଟର କ୍ୟାଣ୍ଟିନରେ ଧାରଣା ଦେଇଥିଲେ । ଏହାପରେ ଓଡ଼ିଶାର ଅନେକ ବୈଷୟିକ ଶିକ୍ଷାନୁଷ୍ଠାନ ସମ୍ମୁଖରେ ଛାତ୍ରଛାତ୍ରୀ ଧାରଣା ଦେଇଥିଲେ । କୋଭିଡ଼ ମହାମାରୀ ସମୟରେ ସେମିଷ୍ଟର ପରୀକ୍ଷା ଅଫଲାଇନ୍ ମାଧ୍ୟମରେ କରିବା କେତେଦୂର ଠିକ ବୋଲି ଛାତ୍ରଛାତ୍ରୀମାନେ ପ୍ରଶ୍ନ କରିଛନ୍ତି ।
ସେମିଷ୍ଟର ପରୀକ୍ଷା ଅନଲାଇନ ମାଧ୍ୟମରେ ହବ ବୋଲି ପୂର୍ବରୁ କୁହାଯାଇଥିଲା କିନ୍ତୁ ହଠାତ୍ ଅଫଲାଇନ ନିଷ୍ପତ୍ତିକୁ ନେଇ ଛାତ୍ରଛାତ୍ରୀଙ୍କ ମଧ୍ୟରେ ଅସନ୍ତୋଷ ପ୍ରକାଶ ପାଇଛି । ଏହାର ସମାଧାନ ସୁରୁପ ଅନଲାଇନ ପରୀକ୍ଷା କି ଇଣ୍ଟରନାଲ ମାର୍କ ମାଧ୍ୟମରେ ଆଗାମୀ ସେମିଷ୍ଟରକୁ ଉନ୍ନତି କରିବା ପାଇଁ ଛାତ୍ରଛାତ୍ରୀ ମାନେ ଦାବି ରଖିଛନ୍ତି । ଯଦି ସେମାନଙ୍କ ଦାବି ପୂରଣ କରାନଯାଏ ରାଜରାସ୍ତାକୁ ଓହ୍ଲାଇବେ ବୋଲି ଚେତାବନୀ ଦେଇଛନ୍ତି ।
ଭୁବନେଶ୍ବରରୁ ମନୋରଞ୍ଜନ ଶଙ୍ଖୁଆ, ଇଟିଭି ଭାରତ
