ଭୁବନେଶ୍ବର: ଟୀକାକରଣକୁ ତ୍ବରାନ୍ବିତ କରିବାକୁ ଭୁବନେଶ୍ବରର ମଲ୍ରେ ଆରମ୍ଭ ହେଲା ବୁଷ୍ଟର ଡୋଜ ଟୀକାକରଣ ପ୍ରକ୍ରିୟା । ରାଜଧାନୀର ୩ଟି ମଲ ରୁଦ୍ରପୁର ସ୍ଥିତ ସିମ୍ଫୋନି ମଲ, ପାତ୍ରପଡା ସ୍ଥିତ ଡିଏନ ରେଗାଲିଆ ମଲ, ରସୁଲଗଡ ଏସପ୍ଲାନେଡରେ ଆରମ୍ଭ ହୋଇଛି ଟୀକାକରଣ । ଡିଏନ ରେଗାଲିଆ ଠାରେ ଏହାର ଉଦ୍ଘାଟନ କରିଛନ୍ତି ଭୁବନେଶ୍ବର ମେୟର ସୁଲଚନା ଦାସ ।
BMC କମିଶନର, ସ୍ବାସ୍ଥ୍ୟ ଅଧିକାରୀଙ୍କ ସମେତ ଅନ୍ୟ ଅଧିକାରୀ ମଧ୍ୟ ଉପସ୍ଥିତ ରହିଛନ୍ତି । ଦିନକୁ ଦିନ ରାଜ୍ୟରେ କରୋନା ସଂକ୍ରମଣ ବଢୁଥିବାରୁ ମଲ୍ ପରି ଜନ ଗହଳି ପୂର୍ଣ୍ଣ ସ୍ଥାନରେ ଭୁବନେଶ୍ବର ମହାନଗର ନିଗମ(BMC) ପକ୍ଷରୁ ଟୀକାକରଣ ଆଜିଠାରୁ ଆରମ୍ଭ ହୋଇଛି । ପୂର୍ବରୁ ୨୭ଟି କେନ୍ଦ୍ରରେ ଟୀକାଦାନ କରାଯାଉଥିବା ବେଳେ ଏବେ ଏହାକୁ ବୃଦ୍ଧି କରାଯାଇଛି ।
ଭୁବନେଶ୍ବରରେ କୋରୋନା ସଂକ୍ରମଣ ବୃଦ୍ଧି ହେତୁ ବିଏମସି ପକ୍ଷରୁ ଏହି ନିଷ୍ପତ୍ତି ନିଆଯାଇଛି । ଫଳରେ ଟୀକାକରଣ ଅଧିକରୁ ଅଧିକ ହୋଇପାରିବ । ଗତ ୧୫ ତାରିଖରୁ ରାଜ୍ୟରେ ଆରମ୍ଭ ହୋଇଥିବା ମାଗଣା ବୁଷ୍ଟର ଡୋଜ ଟୀକାକରଣ 75 ଦିନ ପର୍ଯ୍ୟନ୍ତ ଜାରି ରହିବ ।
