ଭୁବନେଶ୍ବର: ପିପିଲି ଉପନିର୍ବାଚନ ପାଇଁ ପ୍ରଚାର ଶେଷ ହୋଇଛି । ଅକ୍ଟୋବର 30 ତାରିଖରେ ହେବ ମତଦାନ । ମତଦାନ ପୂର୍ବରୁ ଫଳାଫଳ ନେଇ ଦମ୍ଭୋକ୍ତି କରିଛି ବିଜେଡି । ପିପିଲି ବ୍ୟାଟେଲରେ 40 ହଜାରରୁ ଅଧିକ ଭୋଟରେ ବିଜେିଡି ଦଳ ଜିତିବ ବୋଲି କହିଛନ୍ତି ବରିଷ୍ଠ ବିଜେଡି ନେତ୍ରୀ ପ୍ରମିଳା ମଲ୍ଲିକ ।
ପ୍ରମିଳା କହିଛନ୍ତି ଯେ, "ପିପିଲିରେ ମୁଁ ବୁଲି କି ଆସିଛି । ଭୋଟରଙ୍କ ମୁଡ୍ ପରଖିଛି । ଲୋକଙ୍କର ଗୋଟିଏ ମତ ବିଜୁ ଜନତା ଦଳ ଓ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଭୋଟ ଦେବେ । ସେଠାକାର ଲୋକମାନେ ଏନେଇ ମନସ୍ଥିର କରି ସାରିଛନ୍ତି । ଆମେ 40 ହଜାରରୁ ଅଧିକ ଭୋଟରେ ଜିତିବୁ ।"
ବିଜେଡି ବିଧାୟିକା ପ୍ରମିଳା ମଲ୍ଲିକଙ୍କ ମତରେ ନବୀନ ବାବୁଙ୍କର ଉନ୍ନତି ମୂଳକ କାର୍ଯ୍ୟ ଓ ଲୋକମାନଙ୍କ ପାଇଁ ଯେଉଁ ସବୁ ଯୋଜନା କରିଛନ୍ତି ତାହା ପିପିଲିବାସୀ ବୁଝିଛନ୍ତି । ଲୋକମାନେ ଜାଣିଛନ୍ତି ନବୀନ ବାବୁଙ୍କୁ ଭୋଟ ଦେଲେ ପିପିଲିରେ କିଛି କାମ ହେବ । ଅନ୍ୟ ଦଳକୁ ଦଳେ କିଛି କାମ ହେବନି । ଏହା ହିଁ ପିପିଲି ବିଜୟର ମୁଖ୍ୟ ଆଧାର ହେବ ବୋଲି ପ୍ରମିଳା କହିଛନ୍ତି ।
ଭୁବନେଶ୍ବରରୁ ଭବାନୀ ଶଙ୍କର ଦାସ, ଇଟିଭି ଭାରତ
