ଭୁବନେଶ୍ବର: ପଞ୍ଚାୟତ ନିର୍ବାଚନରେ ବିଜୟ ମୁହାଁ ହେଉଛି ବିଜେଡି । ପ୍ରଥମ ଓ ଦ୍ବିତୀୟ ରାଉଣ୍ଡ ସୁଦ୍ଧା ପ୍ରାୟ ଅଧିକାଂଶ ଆସନରେ ବିଜେଡି ଲିଡ୍ କରୁଛି । ପ୍ରଥମ ପର୍ଯ୍ୟାୟ ଭୋଟ ଗଣତିରେ ୩୧୫ ଜିଲ୍ଲା ପରିଷଦ ଆସନ ମଧ୍ୟରୁ ବିଜେଡି ୨୮୨ରେ ବିଜୟୀ ହୋଇଛି । ତା ପଛକୁ ବିଜେପି ୧୫ଟି ଆସନ ହାତେଇଥିବା ବେଳେ କଂଗ୍ରସ ୧୪ଟି ଆସନ ହାତେଇଛି । ପ୍ରଥମ ପର୍ଯ୍ୟାୟ ଭୋଟ ଗଣତି ପରେ ଅଧିକାଂଶ ଆସନରେ ବିଜେଡି ବିଜୟୀ ହୋଇଥିବା ଜଣାପଡ଼ିଥିଲା ।
ସେହିପରି ଦ୍ବିତୀୟ ପର୍ଯ୍ୟାୟ ଭୋଟ ଗଣତିରେ ମୋଟ ୩୦୬ଟି ଆସନ ମଧ୍ୟରୁ ୨୩୬ଟି ଆସନରେ ବିଜୟୀ ହୋଇଛି । ତା ପଛକୁ ବିଜେପି ୧୬ଟି ଆସନ ହାତେଇଥିବା ବେଳେ କଂଗ୍ରସ ୧୫ଟି ଏବଂ ଅନ୍ୟାନ୍ୟ ଦଳ ବା ସ୍ବାଧୀନ ପ୍ରାର୍ଥୀ ୨ଟି ଆସନରେ ବିଜୟୀ ହୋଇଛି ।
ଆଜି ଶେଷ ପର୍ଯ୍ୟାୟରେ ୨୩୦ ଜୋନରେ ଭୋଟ ଗଣତି ହେଉଛି । ସକାଳ ୮ଟା ସମୟରୁ ଏହି ଗଣତି ପ୍ରକ୍ରିୟା ଆରମ୍ଭ ହୋଇଛି । ଗତଥର ବିଜେପି ଭଲ ପ୍ରଦର୍ଶନ କରିଥିବା ବେଳେ ଏଥର ପଛରେ ପଡ଼ିଯାଇଥିବା ଦେଖା ଦେଇଛି । ଚଳିତ ନିର୍ବାଚନରେ ସେହି ଅଙ୍କ ପୁଣି ଅକ୍ତିଆର କରିବାରେ ବିଜେପି ଫେଲ ମାରିଛି ।
ଭୁବନେଶ୍ବରରୁ ସଞ୍ଜୀବ କୁମାର ରାୟ, ଇଟିଭି ଭାରତ
