ଭୁବନେଶ୍ବର: ନାକ ଓ ଆଖିର କୋଣ ଲାଲ ପଡ଼ି ଫୁଲିବା ବା ଯନ୍ତ୍ରଣା ହେବା । ମୁହଁ ଓ କପାଳର ଗୋଟିଏ ପଟେ ଯନ୍ତ୍ରଣା ହେବା । ନାକରୁ କଳା ସିଂଘାଣି ବାହାରିବା କିମ୍ଵା ଛାତିରେ ଯନ୍ତ୍ରଣା ଓ ନିଃଶ୍ୱାସରେ କଷ୍ଟ ହେବା ଆଦି କଳା ଫିମ୍ପି ସଂକ୍ରମଣର ଲକ୍ଷଣ ଅଟେ । ଏପରି ଲକ୍ଷଣ ଦେଖାଗଲେ ହେଳା ନକରି ତୁରନ୍ତ ନିକଟସ୍ଥ ସ୍ବାସ୍ଥ୍ୟକେନ୍ଦ୍ରରେ ପରାମର୍ଶ କରନ୍ତୁ ।
ଅନିୟନ୍ତ୍ରିତ ମଧୁମେହ, କୋରୋନା କିମ୍ବା ଅନ୍ୟ ରୋଗ ପାଇଁ ଦୀର୍ଘଦିନ ICU ରେ ଥିବା ରୋଗୀ, ଅଙ୍ଗ ପ୍ରତିରୋପଣ ହୋଇଥିବା, ଷ୍ଟିରଏଡ/ ଭରିକୋନାଜୋଲ ଆଦି ଔଷଧ ସେବନ କରୁଥିବା ବ୍ୟକ୍ତି ଓ କର୍କଟ ରୋଗାକ୍ରାନ୍ତ ବ୍ୟକ୍ତି ।
ଏହି ରୋଗ ହେଲେ କେବେ ସନ୍ଦେହ କରିବେ?
ନାକ ଓ ଆଖିର କୋଣ ଲାଲ୍ ପଡି ଫୁଲିବା ବା ଯନ୍ତ୍ରଣା ହେବା, ନାକରୁ କଳା ସିଙ୍ଘାଣି ବାହାରିବା, ଛାତିରେ ଯନ୍ତ୍ରଣା, ନିଶ୍ବାସରେ କଷ୍ଟ ହେବା, ଦାନ୍ତ ଓ ମାଢ଼ିରେ ଯନ୍ତ୍ରଣା ହେବା ଓ ଦାନ୍ତ ହଲିବା । ଚର୍ମରେ ଘା’ ଭଳି ହୋଇ ତା’ଉପରେ କଳା ପଡିବା ଓ ମୁହଁ ଓ କପାଳର ଗୋଟିଏ ପଟେ ଯନ୍ତ୍ରଣା ହେବ।
ଏହି ରୋଗକୁ କିପରି ପ୍ରତିହତ କରିବା?
ସର୍ବଦା ପରିଷ୍କାର ମାସ୍କ ବ୍ୟବହାର କରିବା ଓ ମାଟି ଶିଉଳି କିମ୍ବା ଖତ ଆଦିରେ କାମ କରିବା ବେଳେ ଜୋତା ଗ୍ଲୋବସ ବିନ୍ଧିବା ଆବଶ୍ୟକ। ଏନେଇ ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗ ପକ୍ଷରୁ ସତର୍କତା ଜାରି କରାଯାଇଛି ।
ଭୁବନେଶ୍ବରରୁ ବିକାଶ ଦାସ, ଇଟିଭି ଭାରତ
