ଭୁବନେଶ୍ବର: ଅଟୋରେ ଯାତ୍ରୀଙ୍କୁ ସେବା ତାହା ବି ମାଗଣାରେ । ସ୍ବାଧୀନତା ଦିବସରେ ଦେଖିବାକୁ ମିଳିଛି ଏଭଳି ନିଆରା ଦୃଶ୍ୟ । ରାଜଧାନୀରେ ଜଣେ ଅଟୋ ଚାଳକ ଅଟୋରେ ଯିବାଆସିବା କରୁଥିବା ଯାତ୍ରୀଙ୍କୁ ଯୋଗାଇଛନ୍ତି ନିଶୁଳ୍କ ସେବା । ଯାହାଫଳରେ ଦେଶପ୍ରେମର ଉଦାହରଣ ପାଲଟିଛନ୍ତି ସେ ।
କାରଣ କାଶ୍ମୀରରୁ ଧାରା ୩୭୦ ଉଚ୍ଛେଦ ଖୁସିରେ ବିଭୋର ହୋଇ ଏମିତି ସେବା ଯୋଗାଇଛନ୍ତି ସ୍ମାର୍ଟସିଟି ଅନଲାଇନ ଅଟୋ ଗ୍ରୁପର ସୁକାନ୍ତ କୁମାର ମଲ୍ଲିକ ।
ରାଜଧାନୀର କଳ୍ପନା ଠୁ ଆରମ୍ଭ କରି ବାଣୀବିହାର, ରସୁଲଗଡ ଠୁ ବରମୁଣ୍ଡାର ଗଳି ଗଳି ଓ ଛକ ଛକ ବୁଲି ସାଧାରଣ ଲୋକଙ୍କୁ ଯୋଗାଇଛନ୍ତି ଏହି ମାଗଣା ସେବା । କେବଳ ସେତିକି ନୁହେଁ ଅଟୋରେ ତ୍ରିରଙ୍ଗାର ତିନି ପତାକା ଓ ମାଗଣା ଅଟୋ ସେବାର ବ୍ୟାନର ମାରି ଚାରିଆଡେ ଘୁରି ବୁଲୁଛନ୍ତି ସୁକାନ୍ତ ।
ଯାହାକୁ ନେଇ ଅନେକ ଲୋକ ତାଙ୍କର ପ୍ରଶଂସା କରିବା ସହ ତାଙ୍କର ଦେଶପ୍ରେମ ପାଇଁ ତାଙ୍କୁ ବହୁତ ଆଶୀର୍ବାଦ ଦେଇଛନ୍ତି ।
କେବଳ ଏବେ ନୁହେଁ ପୂର୍ବରୁ ପିଓକେ ସର୍ଜିକାଲ ଷ୍ଟ୍ରାଇକ ସମୟରେ ବୋଲବମ କାଉଡିଆ ଭକ୍ତଙ୍କୁ ମଧ୍ୟ ଏପରି ସେବା ମାଗଣାରେ ଯୋଗାଇଥିଲେ ।
ଭୁବନେଶ୍ବରରୁ ତାପସ କୁମାର ପରିଡା, ଇଟିଭି ଭାରତ
